معركة ضد الاحباط

معظم من يعيش في بلدنا هذه الايام يعاني من حالة احباط شديدة ؛ اما لانه لا يستطيع الزواج او لا يستطيع تحقيق طموحه في العمل او لا يكفيه مرتبه و لا يستطيع ان يكمل الشهر حتى آخره ؛ اسباب كثيرة تحيط بنا و تجعلنا محبطين جدا جدا.
و انا واحد من هذا الشعب المحبط و لن ادعي انني اكثرهم احباطا او اقلهم و لكنني اقاوم ؛ احيانا انجح في مقاومة هذه الحالة و احمد الله على ما رزقني و احاول ان اشغل نفسي بما لدي من نعم و احيانا تكون المسببات اقوى من مجرد المحاولة فافشل و اهوي في حالة الاحباط حتى ينتابني الكثير من آلام الجسد.

طبعا الكل يتساءل لماذا احكي لكم هذا الكلام ؛ احكيه لاني اخاطب كل محبط و كل حزين ؛ كل شخص يشعر انه مظلوم او فاشل ؛ كل من لا يستطيع ان يحمد ربه على نعمه بصدق و باخلاص ؛ اخاطب نفسي و اخاطبكم.
سوف اتكلم معكم كما فعلت في موضوعي السابق بالصور ؛ و لا ادعي اني مؤلف او جامع لهذه الصور ؛ و لكنها اتتني في ايميل بعنوان افضل ايميل لعام 2008 ؛ و هو فعلا كذلك الافضل. و لكني سوف اعلق على الصور باستخدام التعليق الاصلي او تعليق خاص بي كي اشارككم احساسي بهذه الصور؛ دعونا نبدأ معركة ضد الاحباط و اليأس ....

يا ترى حاسس ان الدنيا مقفلة في وشك وصعبة و مفيش حاجة بتيجي بالساهل و بيطلع روحك عشان تحقق اي حاجة في حياتك
تفتكر دول حاسين بايه!!!!

طب مرتبك قليل و مش بيكفيك و عاوز تشتري موبايل جديد و مش قادر و حاسس ان زمايلك في الشغل معاهم موبايلات احسن منك
تفتكر دي ممكن تكون بتتمنى ايه في اللحظة دي!!!!

وحيد و مش لاقي حد تكلمه و اصحابك مش فهمينك و اهلك ظلمينك و عمالين يؤمروك اعمل ده و متعملش ده...
افتكر ان العسكري ده نفسه في حد يتكلم جنبه مش يهبهب

لا لا خلااااص يأست مش حكمل مش قادر ؛ كل محاولاتي للتحسين من وضعي المالي و الاجتماعي تبوؤ بالفشل ؛ يأست من محاولة ان اجد من يفهمني او يشعر بي ؛ يأست من ......

هو الراجل ده ميأسش ليه و لسه عايش و بيكافح !!!!

مطحون في الشغل و بتذاكر و حاسس انك مش قادر تقف على رجلك ؛ طلبات البيت كتير و مفيش غيرك ؛ لازم تنزل و تجيبلهم كل حاجة كأنك الشغال بتاعهم ...

ايه ده ؛ ازاي الجدع ده بيعمل كده ؛ ده احنا فرافير جنبه

عاوز تغير عربيتك اصل التكييف تعبان ؛ لا لا المواصلات زحمة و الدنيا حر و بتقف ساعة عشان تلاقي حاجه تركبها او بتضطر تركب 3 مواصلات عشان توصل البيت...

يا ترى الي انت عايشه ولا الي دول عايشينه ؛ ايهم اصعب!!!

المجتمع ظلمك و اهلك و اصحابك ؛ كلهم بيتحكموا فيك و كلهم تعبينك ...
اهدى كده و فكر؛ الست دي المجتمع عمل فيها ايه؟؟؟؟؟

ايه رأيكم !!! معلش بعض الصور صعبة بس بجد مؤثرة ؛ و هو ده المطلوب بس يا رب يكون التأثير ايجابي ؛ و لو لسه مش مقتنع و محتاج تشوف حاجات كمان كمل باقي الصور و لكن انا مش حعلق ..





في النهايه احب اقول حاجة ؛ كلنا عندنا مشاكل و كل واحد شايف ان مشكلته هي اصعب مشكلة ؛ الموضوع ده عشان نفتكر ان فيه مشاكل اصعب من مشاكلنا و ليس للتقليل من حجم او تأثير هذه المشاكل على مشاعرنا و لكن ارجوا انه يساعد كل واحد انه يقاوم و يعرف انه غرقان في النعم بالرغم من وجود مشاكل و ان في رب اسمه الكريم لازم نحمده و نعتمد عليه انه هو الي حيفرجها.
يااااااااااااااااااااااااا رب

ملحوظة: لو الموضوع جاب معاك نتيجة بلاش تبخل على حد بيه و ابعتهوله يمكن تاخد ثوابه.

طبقات

السلام عليكم

الموضوع ده موضوع فلسفي بدرجة كبيرة .. جالي امتى وحي الفلسفة ده .. جالي وانا قاعد اقرأ كتاب بس معجبنيش .. مش حقلكم عليه عشان لو حد فيكم بيقرأة ميتأثرش برأيي.
الكاتب كان بيتكلم عن الشعب المصري و نظام الطبقية .. هو الراجل بصراحة مقلش حاجة على هذا النظام و احتمال يكون قال .. انا مش عارف عشان مكملتش قراءة .. بس لما وصلت للكلمة دي نزل علي وحي الفلسفة.

طول عمرنا نعرف ان في طبقية ؛ فينا ناس مش فاهماها و فينا مش بيحبها و اتربى على انه يكره الموضوع ده و يتحمس و يقول كلنا ولاد تسعة و فينا مقتنع بيه و فاكر نفسه انضف من الناس كلها او يكون فاكر نفسه اسوأ من الناس كلها. الظريف ان كل الافكار دي حتعتمد على الطبقة الي الشخص فيها.

محدش يعترض ؛ كمل قراءة للآخر يمكن توافقني في الرأي.

انا مش عارف انا من اي طبقة .. و انا مش مع طبقة ضد طبقة .. و لكن انا بجد معترض على رفض مبدأ الطبقات .. لأني شايف ان حياتنا كلها طبقات .. ازااااي؟؟؟؟

اولا ربنا لما خلقنا خلقنا طبقات .. خلق فينا الغني و خلق فينا الفقير .. ده نوع من الطبقية .. خلق فينا المثقف و خلق فينا الجاهل و ده نوع تاني من الطبقية .. لما خلق السموات خلقهم سبع سموات يعني طبقات .. لما خلق الارض خلقها طبقات سواء تكلمنا عنها على انها طبقات الارض المختلفة او تكلمنا على السبع اراض التي خلقها الله ؛ الخلاصة انها طبقات. و الامثلة ممكن تكون كتيرة بس هي في الآخر طبقات . يبقى منرفضش مبدأ الطبقات لأننا مهما رفضناه حيفضل موجود.

النقطة المهمه هي لماذا اتخلقنا طبقات؟!! كان مقصود حاجة معينة من الحكايه دي؟!!! .. الاجابة طبعا مقصود و فيه حكمة رهيبة .. ثبت بكل المقاييس العلمية و المعملية ان نظام الطبقات هو افضل نظام لتبادل المنفعه بين مختلف الطبقات واسرع و سيلة لتسيير الامور .. فمثلا في اي شركة اذا ما تم ظبط الهيكل الاداري فيها بشكل مدروس فانها تنجح بشكل كبير لان استراتيجية العمل تأتي من الطبقة الادارية العليا و يتم تحليلها و تنفيذها بسهولة بواسطة الطبقات الاقل في الشركة ؛ والعكس يظهر ايضا في تقارير المتابعة انها تسير بشكل عكسي من الطبقات الاقل للطبقات الادارية الاعلى بسهولة و بشكل فني صحيح.

و لكن مفيش حد احسن من حد الا بالعمل .. يعني السماء الاولى ليست اقل شأنا من السماء السابعة كل السموات فيها ملائكة و فيها من الرسل و الانبياء ؛ يعني كلها احلى من بعضها. و ايضا طبقات الارض ؛ لو فكرنا ؛ هي الطبقة الاولى احسن من السابعة ؛ لا ؛ الاولى تراااااااااب فيها املاح و الاعمق صخور فيها معادن ثمينة يعني احسن من الاولى و لكن الاولى هي الي ممكن نزرع فيها و نعييش عليها و لكن الاعمق مش ممكن نزرع فيها ؛ يبقى مفيهمش احسن و اوحش .

يعني الخلاصة الطبقات موجودة و مش ممكن نلغيها .. لكن مفيش طبقة احسن من طبقة و لا طبقة اوحش من طبقة .. كل الطبقات مهمة لسير الحياة و تكوين مجتمع سليم نفسيا. فمفيش داعي ان الي موجود في طبقة عالية انه يفتكر نفسه مهم .. و لا فيه داعي ان الي في طبقة اقل انه يحس بالاهمال او انه ملوش لازمة.

يا جماعة كله زي بعضه كله مفيد لبعض و كله في الآخر نهايتة واحدة .. ده حتى البامبرز طبقات و كله بييجي فيه اللامؤاخذة . يعني محدش يزعل.

استراحة قصيرة

السلام عليكم

وصلني على الايميل بتاعي اليوم مجموعة الصور دي... فحبيت اشارككم بيها و هو بالمرة نعتبرها استراحة صغيرة من الكتابة ... عارفين احنا دايما بنبحث على الصور في الكتب قبل ما نقرأ الكتاب اصلا ...

تعالو نتفرج مع بعض

ده اجمل بيت في العالم بتاع رونالدينهو ... الي ميعرفش مين ده ميسألش

و ده اجمل كوبري في العالم ... الظريف ان اليابانيين هما الي بنيينه ... شوف قصيريين بس عفاريت


و نتجه الآن لكندا عشان نشوف منظر شلالات نياجرا الي تعتبر من اجمل شلالات العالم..

نسيب المباني و الشلالات بقى و نتجه للبني ادمين يا ترى فيهم حاجه جميلة!!!!!

الصغنن الجميل ده باكستاني و اخد جائزة اجمل طفل في العالم ... بزمتكم مش يتاكل اكل


و عشان البنات ميزعلوش تبقى دي اجمل بنت في العالم

وطبعا مينفعش نفوت العيون و جمال العيون ... انا مش عارف البنت دي لما تكبر حتعمل ايه في الي حيبصلها

و طبعا زي مشفتم الجمال في البني ادمين لحد سن معين ... بعد كده صعب نلاقي حاجة جميلة للاسف ...

نسيب البني ادمين و نلقي نظرة على عالم الحيوان..

انا ححط الصورة دي عشان انا عارف في شخص معين حتعجبه جدا ... دي صورة اجمل حصان و طبعا حيكون حصان عربي

و نسيب الحيوان و نرجع للطبيعة الي اكيد فيها حاجات اجمل من اننا نوصفها بالجمال

الصورة دي مش حعلق عليها حسيبكم تتفرجوا عليها و كل واحد يشوف فيها الي هو عايزه

ارجوا ان الصور تعجبكم ... و معلش واضح اني رغاي .. يعني محطتش الصور و سكت انما لازم اتكلم ...

حوار قصير دمه خفيف

حوار قصير دمه خفيف ولكن............
يحتوي بين سطوره الكثير من المعاني بس مين يفهم
تلتقي في الصباح بأحد الأصدقاء
عادي فين الجديد في كده
المهم و بلاش لماضة
السؤال التقليدي " عامل ايه؟!"
و الاجابة التقليدية " الحمد لله ماشية"
الرد الغير طبيعي يأتي
"يااااااااااه ماشيه ايه بس...بعد كل الزأ ده و لسه ماشية...؛دي لو كانت بتمشي جوه الجزمه الاول كانت وصلت"
حد فهم حاجة؟؟؟؟؟؟
انا عن نفسي وقفت مذهول للحظات...
وبعدين فكرت و تساءلت
هو فين الزأ؟ هو احنا فعلا بنزؤ ولا بنتزأ؟؟
هو احنا الي ممشينها ولا هي الي ممشيانه؟؟؟
بس على فكرة انا ما جوبتش على اي سؤال من دول
يا ترى فيه حد حيجاوب!!!

مااااا أظلمك

كم هو مؤلم الاحساس بالظلم ؛ الكل متفق على هذا الرأي ؛ و لكن كيف يكون الاحساس بظلم المشاعر؟ نعم ظلم المشاعر . هل نشعر به عندما نتهم بفعل شئ و نحن لا نقوم به ؛ هل هو الاحساس بعدم وجود حبيب ام تصور وجود حبيب ؛ متى! كيف! لماذا! كلها اسئلة محيرة و مؤلمة.

جلست افكر كثيرا في هذه الاسئلة ؛ تألمت كثيرا كي اجد اجابة واضحة تكون مرضية و لكني وجدت اجابات مختلفة و كان اقواها لتعريف ظلم المشاعر هو عندما يكون من حقك كانسان ان تحب و ان تشعر بالحب و لكنك مسلوب لهذا الحق. ان تكون كانسان من حقك ان تجد من يفهمك و يقدر مشاعرك ويتجاوب مع هذه المشاعر و لكن هذا الحق مرفوض عليك .

قال رسول الله صلى الله عليه و سلم " انصر اخاك ظالما او مظلوما" فقالوا للرسول عليه الصلاة و السلام " ننصره مظلوما و لكن كيف ننصره ظالما" فأجابهم المصطفى عليه الصلاة و السلام " بأن تعلموه و تظهروا له خطأه"

لماذا لا نتعلم من ديننا ؛ لماذا نفترض ان الدين بعيد عن المشاعر ؛ لماذا نقرر ان المشاعر لا يجب ان تعامل برفق!!!!

من الممكن ان تشعر بالكثير من المشاعر المتضاربة و المتخبطة ؛ عندها ستحتاج لمن يسمعك لمن يشعر بما تشعر او على اقل تقدير يتفهم مشاعرك يتجاوب معك يترفق بحالك يساعدك بعد ان يطمئنك؛ يضمك ثم يريك خطأك . و لكنك لن تحتاج لمن يقف امامك و يقول لك انت مخطئ ؛ لن تحتاج لمن يصفعك على وجه مشاعرك و يقول لك انت لا تجيد فن المشاعر. من ذا الذي لا يجيد فن المشاعر هنا؟!!!! اليس هذا ما اوصى به الرسول عليه الصلاة و السلام ؛ اليس هذا واجب علينا حتى ما اذا كان ما نشعر به خطأ.

قمة الظلم ؛ هذا هو قمة الظلم للمشاعر. نحن من نظلم انفسنا و مشاعرنا و نساعد الدنيا على ظلمنا . نعم نحن نفعل هذا بأنفسنا ؛ عندما نأتمن هذه المشاعر عند اشخاص لا يستحقون ان يشعرونا لا يضعون اي اعتبار لمشاعرنا ؛ بل هم من يسلبونا حقنا في ان نحب و ان نشعر بالحب ؛ يسلبونا حقنا في ان نمتلك ما هو اصلا ملك لنا ؛ انهم الاشخاص الذين نحبهم وهم لا يستحقون كل هذا القدر من الحب من وثقنا بهم و هم لا يصلحون لهذه الثقة.

رسالة الى كل من لم تظلم مشاعره بعد؛ احترس في انتقاء من تطلعهم على ما تشعر؛ انتقي بعنايه من تسمح له بقرءة صفحات قلبك ؛ فان لم تحترس فسوف يتمزق قلبك و انت ترى ما يحتويه من مشاعر مبعثر على الارض ؛ سوف تزرف عيونك دما يتساقط على قلبك يغرقه ؛ يخنقه ؛ يمنعه من التنفس حتى تشعر بغصة في حلقك تبعث في اوصالك شعورا باليأس و عدم الرغبة في الحياه.

رسالة الى كل من ظلمت مشاعره ؛ لنا الله و لنأمل ان يعوضنا الله خيرا ؛ فلم نكن ابدا نرغب في ان نشعر بالألم ؛ لم نكن ابدا نريد ان نحيا في عذاب ؛ لم نكن نعرف اننا اذا بحنا بمكنون قلوبنا لمن ظننا انهم يحبوننا سوف ينتهي المطاف بهذه القلوب في صندق قمامة القلوب. لم يتم اخبارنا ان عصر الحب و المشاعر الصادقة قد انتهى. لم نكن نعلم.

رسالة الى كل ظالم ؛ يا انسان انت ايضا تشعر ؛ انت ايضا سوف تخطئ في احساسك ؛ سوف تحتاج لمن يسمعك لمن يقدرك و يقدر مشاعرك لمن ينصحك و لمن يترفق بك. هل ستجده بجانبك !! هل سيتحملك و ينسى ظلمك له و يساعدك!! هل فكرت في هذه اللحظه!! اليس لك قلب يحب؟! ؛ الا تشعر مثلنا ؟! سوف يأتي هذا اليوم سواء طال الزمان او قصر ؛ و لكننا لن نتمنى لك الالم بل نتمنى ان يخفف الله عنك هذا الموقف فهو يؤلم القلب و الروح و الجسد . نعم صدق ما اقول ستشعر بآلام في اجزاء من جسدك قد تكون لا تعرف انها موجودة حتى تؤلمك. الله معك.

انا و مروان ---- كل القصايد

اسمحولي اكتب القصيده دي ؛ انا بعشقها و حكتبها زي ما بسمعها بعد اذنكم ؛ مع الاحتفاظ باللهجه اللبناني على قدر المستطاع
****************************************************

آه على قلب هواه محكم

يحب قلبا بحبه لا يشعر

فاض الجوى منه...فظلما يكتم

أيقول لها احبها او يكتم امره
ويحي أنا..بحت لها بسره

حكيت لها قصص عشقه لقلبها
وشكوت لها..قلبا بنارها..مغرم

فلمحت من عينيها ناري وحرقتي

و رأيت فيهما حبي و لوعتي
قالت على..قلبي هواها..محرم
هي حياتي..فلما بانت بنأيها
صار الردى...آآآه عليا أرحم

‏*‏**

كل القصايد

من حلى عينيك

من دفى ايديك

و من شوقي اليك

كتبتهن و قلتهن

هودي القصايد مش حكي يا روحي

هو بكل القصايد

هو ليكي كلهن

هودي الاغاني غرامي سنين

هودي دموع و نغم و حنين

هودي ايامي مع

قلبي الي بيوجع

انا لولا الهوى انا مين

انا و اصاله

اسمحولي اعمل حاجه غريبة - انا سمعت الاغنية دي و عجبتني جدا - بس انا حاكتبها زي ما انا سمعتها مش زي ما اصاله كانت بتغنيها . الكلام الي بلون تاني ده بتاعي انا مش بتاع الاغنيه.. بس عشان لو الاغنيه باظت تبقوا عارفين المشكله في كلام مين :)

غريبة

غريبة ليالي الحنين

فاتت سنين و سنين

لقتني من العاشقين

عارف حبيبي انا بعشق مين

اقلك حبيبي حنيني لمين

تصور بحبك .....

ولا كنت حاسس

و كل مافتكرك احاول انسى

و لكن في بعدك وفي عز اليالي

لقيتك بتهمس لقلبي بهمسه

و كانت بداية و هي النهايه

تصور بحبك .....

لقتني في حيرة و خايف اقابلك

بفكر اخبي و بتمنى اقلك

بحبك يا روحي يا احلى ملاك

بحبك و لكن مش حييجي الآوان

تنور حياتي و اسكن في قلبك

بقولها و يشهد عليا الزمان

دي اجمل بدايه

و اول حكايه

تصور بحبك ......

تعالى لقلبي

سهرت اليالي

عشقتك في بعدك

و عمري مكنت جنبك

عشقتك و غيرت حالي

في بالي و خيالي

و قلبلي معاك

شغلني و زاد في البعاد انشغالي

بعد الليالي و دايب في هواك

دايما في بالي و على قلبي غالي

تصور بحبك