انت مين؟؟

الدنيا فيها الي بيعيش عبد
وفيها الي بيعيش حٌر
و فيها ناس بتموت من البرد
و ناس تانيه مش مستحمله الحَر
انت مين فيهم!
ده سؤال مش مهم
لأنك ممكن تلاقي حٌر منغير قلب
و عبد من العبيد يغرقك حب
و ممكن حضن في عز الحَر
يملا قلبك برد
و لمسة ايد في قلب التلج
تدفي مشاعرك
و تملا حياتك ورد
و يبقا السؤال المهم
انت عندك قلب
بتحس بيه
بتحب بيه
ولا وجوده زي عدمه
فرحه زي المه
في البطاقه انسان
لكنك في الحياه
مينفعش حتى تظهر
في عالم الحيوان