الثلاثاء، 13 أغسطس 2013

كان يا ما كان

كان ياما كان
قلب صغير عايش يومه
بينام و يصحى من نومه
بيحلم انه في يوم حيحب
مكنش يعرف ان جرحه
مفيش كلام حيعرف يوصفه
و كان ياما كان
كل يوم بيقابل وشوش كتير
ويشوف من القلوب الوان
ولما شاف قلبك
حس جواه بالحنان
اترمى في حضنه
و قالك بحبك
و افتكر انه كده
لقا الامان
ده كان زمان
انهارده و احنا بنحب بعض
مبقاش للفرح بينا مكان
و الحزن ملانا زي الطوفان
لما نتسأل عن الحب
بنقول منعرفوش
حتى الضحكه ضاعت
 من الوشوش
لما القلوب قست على بعض
و نرجع نقول
كان ياما كان
الحب و العشق قصه
نقراها في كل مكان
لناس كانوا بيحبو بعض
زمان