نظرة عين

مش كل نظرة عين
تتصدق
ياما في عيون
مهما فيهم
تدقق
و تحاول تقراهم
و من حكايتهم 
تتحقق
الغدر طبعهم
وقبل ما تلحق قلبك
من غدرهم
حتلاقي سكاكينهم
في ضهرك
بترشق
و في عيون
بالحكاوي مليانين
لنظرة حب مستنيين
بين الناس دايما
تايهين
مش عارفين
اصلا هما مين
ولابيفكروا...
الدنيا واخداهم 
ورايحه بيهم
على فين
هما بس عايشين
مستنيين لحظه
يقابلوا فيها نظرة عين
تحضنهم و ينسوا معها 
قسوة السنين
وفي نظرة عين
مليانه حنيه
بتدوب فيها
اذا بصتلك حتى 
لو ثانيه
بتحضن قلبك
برموشها
و تغير في عنيك 
الدنيا
عنين فيهم شقاوه
مليانين طيبه
و في نفس الوقت
جواهم حلاوه..
حلاوة روح
تخليك فيهم 
تتشعلق
و ترجع تقول لقلبك
مش كل نظرة عين
بسهولة ممكن
تتصدق