متستغربش

متستغربش

لما تبقا عاوز تقول كلام

وتلاقي الكلام..

مبيتقلش

اوتكون وسط ناسك

حاسس بالغربه

و انك...

متشبهمش

تمشي في الدنيا وحدك

تسال فينك يا صاحبي

يالي جرحك كان دايما

هو جرحي

ولما تقابل صاحبك

تجري عليه ..

تقرب منه..

تاخده في حضنك

يعمل نفسه...

ميعرفكش

فمتستغربش

تغمض عنيك

تحلم بحضن يضمك

ولما تحبها

وتروح لقلبها

تقوله بحبك

يرد عليك يقولك

مبحبكش

فمتستغربش

تسمع صوت صرخة

طالعه من بين ضلوعك

تحط ايدك

على صدرك

تحاول تكتم صوت قلبك

بس صوت الوجع..

مبيتسمعش

صوته يكسرك

يهد روحك

ومهما قلبك صرخ

بيفضل صوت صرخته

جواك

هي دي دنيتنا يا قلبي

اعرف قسوتها

ومتستغربش