الخميس، 25 ديسمبر 2014

درب الجنون

ﻳﺎ ﻣﻦ ﺗﺘﺤﺪﺛﻮﻥ ﻋﻦ ﺍﻟﺤﺐ

ﻭﺗﺘﺸﺪﻗﻮﻥ ﺑﻜﻠﻤﺎﺗﻪ

ﻫﻞ ﻣﻨﻜﻢ ﻣﻦ ﺍﺭﺗﻮﻯ ﻳﻮﻣﺎ

ﺑﻌﺬﺏ ﺷﺮﺍﺑﻪ

ﺍﻭ ﻃﺎﺭ ﺳﺎﻋﺔ

ﻓﻲ سماء ﺍﺣﻠﺎﻣﻪ

ﺛﻢ ﻫﻮﻯ فهوى

ﺍﻟﻰ ﺳﺤﻴﻖﺍﻋﻤﺎﻗﻪ

ﻫﻞﻣﻨﻜﻢﻣ ﻦ ﺫﺍﻕ ﻃﻌﻨﺔ

ﻣﻦ ﻃﻌﻨﺎﺕ ﻏﺪﺭﻩ

ﻭﻃﺎﻑ ﺑﻘﻠﺐ ﺩﺍﻡ

ﺗﺘﻘﺎﺫﻓﻪ ﺍﻣﻮﺍﺝ ﻣﺸﺎﻋﺮﻩ

ﻭﺍﻧﺘﻬﻰ ﺑﻪ ﺍﻟﻤﻂﺎﻑ

ﻋﻠﻰ ﺷﻂﺌﺎﻥ ﺍﻟﻮﺣﺪﻩ

ﺟﺴﺪﺍ ﺑﻠﺎ ﺭﻭﺡ

ﻗﻠﺒﺎ ﺑﻠﺎ ﻧﺒﺾ

ﻳﺘﺨﻂﻔﻪ ﺍﻟﻤﻮﺕ

ﻭﻳﺬﻳﻘﻪ ﻣﻦ ﻛﺌﻮﺱ

ﺍﻟﺎﻣﻪ

تحلمون

ﺗكتبون

ﺗﺘﻐﻨﻮﻥ

ﻭﻟﻜﻨﻜﻢ ﻟﺎ ﺗﻌﻠﻤﻮﻥ

ﻓﺎﻟﻜﺎﺗﺐ ﻣﺠﻨﻮﻥ

ﻭﺍﻟﻤﻜﺘﻮﺏ ﻋﻨﻪ

ﻫﻮ ﺩﺭﺏ ﺍﻟﺠﻨﻮﻥ

الجمعة، 19 ديسمبر 2014

البداية

مع كل دقة قلب
حته من العمر...
بتعدي
ثانيه وراها ثانيه
ولا فيش ثانيه...
بتهدي
نقابل وشوش
نحب و نتواعد
تتشابك طرق
وطرق تانيه...
تتباعد
عيون بتضحك
تاخدنا في حضنها
وعيون تايهه
بتدور على عمر
ضاع منها
ويوم ورا يوم
بتقرب النهايه
و نسال نفسنا
كانت امتى البدايه
نفتح شبابيك الذكريات
ندور وسط الصور
تتملا قلوبنا حنين
لوقت عدى وفات
عشناه قريبين
من قلوب عننا تاهت
في زحمة السنين
وفضلت اقلب في الصور
ملاقتش ولا صوره ليكي
اصلي عمري محتجت صورتك
دايما كنت فاكرك
حافظ ملامحك
كل حركاتك
حتى لفتاتك
و همسة عنيكي
فاكر لما كنت بحضنك
لما بتكوني وحشاني
بس مش دايما الحضن
بيكون عشانك
كتير كنت بحضنك عشاني
كنت بستخبى جواكي
من حجات كتير وجعاني
فاكر حنيتك
و فاكر دقة قلبك
الي فضلت سامعها
حتى بعد ما مشيتي
ورجع العمر يعدي
منستش لمسة ايديكي
في اخر سلام بينا
و انت بتقوليلي
حفضل حبيبتك
مهما الثواني مرت
وجريت سنين و عدت
حفضل جوا قلبك
وشم
واي حب بعدي
صدقني حيبقا
وهم
انا اول نبضك
انا اول حبك
انا بدايتك

الجمعة، 14 نوفمبر 2014

لما كنا صغيرين

لما كنا صغيرين
كنا لما بنتوجع
يدوبك ننزل دمعتين
و نلقا ايد تطبطب
و ايد تزغزغ
و يخلص الوجع
بضحكتين
لما كنا صغيرين
كنا بنخاف من حجات بسيطه
 حجات عبيطه
بنخاف لو النور قطع
ونجري نولع شمعتين
في كل اوضه شمعه...
اصل بيتنا كان اوضتين
نقعد حاضنين بعض
ولو قمنا نبقا.. 
شابكين الايدين
نطلع من اوضه لأوضه
نجري و نهرب من خيالنا
من وحش رسمناه بس
في خيالنا
ونرجع في غمضه عين
لما كنا صغيرين
كنا بنحب
ببراءة بنظرة عين
وضحكة صغيرة 
تجمع ما بين قلبين
اجيب لعبتي 
و تجيبي لعبتك
و نلعب باللعبتين
ولو اتنافسنا 
تجيبي كراستك 
تقولي ..
انا اخدت نجمه
اقولك...
وانا اخدت نجمتين
ميهمناش بكره
يهمنا حناكل ايه..
بعد دقيقتين
مكنش يجي في بالنا
ان الدنيا مش اوضتين
وان احساس الامان
والدلع و الحنان
حيتقلب لخوف وقسوة
وحنين
او ان الغدر و الخيانه
حيبقو صفات البني ادمين
وان الحب الي كان
حياة بين قلبين
حيبقا سبب دمع العين
لو كنا نعرف
كنا وقفنا الدقايق 
قبل ما تمر الساعات
وتضيع مننا السنين
 مكناش اتولدنا
او على الاقل 
كنا فضلنا صغيرين


الاثنين، 3 نوفمبر 2014

حكاية

ومنين تبتدي الحكايه
من نظرة
من ضحكه
ولا من لمسة اديها لاديًه
من همسه
من كلمه
لما قالتلي انت روحي وعنيًه
لو قلت اني فرحت
وللسما طرت
او قلت قلبي دق
وبعد سنين القسوه
رجع للحب رق
ده كله حيبقا شويه
رجعت تاني اتنفس
وبعد ما كنت بمشي
بقيت في خطواتي بتنطط
في نطه للسحاب بلمس
و لو زقيت السحاب يمشي
مبقتش في مشاعري متلخبط
وفيوم قالتلي
انت ليه بقيت مزقطط
و اتغيرت ملامحك
ده حتى قميصك الاسود
الي كان بالاسود مخطط
رميته ولبست قميص الوانه
تشبه سعدتك
من يوم ما قلتيلي بحبك
و ايامي ملامحها اتغيرت
ساعاتها و دقايقها حتى ريحتها 
اتبدلت
بس انا مقلتلكش بحبك
ازاي!!
عنيكي قالتلي بحبك
لمسة اديكي 
ولا دقات قلبك 
كانت بتقول بحبك
بس انا مقلتلكش.. بحبك
ومنين تبتدي الحكايه
لما قتل المشاعر
يبقا دايما هو النهايه
لما حرق القلوب
عند الناس هوايه
يبقا مينفعش تبتدي الحكايه

الثلاثاء، 23 سبتمبر 2014

لحظات حلم

كم اعشق لحظات
اغمض فيها عيناي
فأراكي
تقتربي كسحابة عشق
تحركها نسمات الهوى
تتهادي
وبابتسامة تملأ
عيناكي
تحتضني احلامي برقة
فلا املك إلا ان 
اهواكي
امرر اصابعي بين
خصلاتك
فيذوب قلبي عشقا
عندما تختلط انفاسك
بانفاسي
تعصف بجسدي الرعشات
اذا لامست يداك
وجناتي
تتوقف افكاري
و يزيد قلبي دقاته
عدة دقات
فتتوحد رغباتي
ان تختفي جميع الذكريات
وتبقى ذكراكي
في احضاني
انت يا من تعيشين 
في احلامي
تتركيني لاعيش ايامي
على ذكرى لحظات
اقتربت فيها قلوبنا
فاختلطت بينهما الدقات
وافترقنا على وعد اللقاء
لنعيش في الاحلام
احلى اللحظات

الاثنين، 1 سبتمبر 2014

عناد

في ناس بينهم و بين الدنيا
عداوه
مهما حاولوا يفتحوا بيبانها
قافله في وشهم
بغباوه
ولو حتى قرروا يعيشوا
في الطراوه
تقطع عنهم الهوا
وتقولهم.....
مفيش طراوه
لو سألتهم ليه مكشرين!!
وللضحكه ناسيين
ردهم بيكون
احنا من سنين
والدنيا رافضه نعيشها
كل ما نقربلها
تدور لنا ضهرها
زي ما يكون اتكتب علينا
نموت واحنا فوق ارضها
يا ترى حييجي يوم
وتفردلنا فيه وشها
ولا يوم ما حنضحك
حنبقا سايبنها 
ونازلين بطنها

الأربعاء، 30 يوليو 2014

جراح

في جراح الزمن 
بيعرف يداويها
حتى لو سابت
علامه على قلوبنا
وجراح تانيه
بتقوينا
بنضحك لما نفتكرها
من طيبة مشاعرنا
بس في جراح
بتكوينا
ومهما عدى الزمن
بتوجعنا
مش بتخف
ولو حاولنا ننساها
تفضل حكايتها
في قلوبنا تلف
وفي النهايه
تبكينا
لأنها مش بس سايبه
علامه
دي عايشه
جوانا
ونرجع نقول
يا ريت كل الجراح
الزمن يعرف يداويها




الاثنين، 28 يوليو 2014

هل تعلمين!!

هل تعلمين سيدتي
انني اتحدث اليك 
رغم صمتي
اتلمس تفاصيلك
كلما ابتعدتي
اخترق روحك
عندما تختفين..
بنظراتي
هل تعلمين سيدتي
انني اتنفسك
اسكنك
احفظ حركاتك
سكناتك
اعشق ضحكاتك
هل تعلمين
ان قلبي تنتفض نبضاته
عندما تتراقص مع الهواء
خصلاتك
عندما تداعبينه 
بنظراتك
او تطبعين على خديه
بسماتك
هل تعلمين
انه يصرخ اختناقا
اذا ضاع من الهواء
عطرك
اوتعلمين
ان عيناي لم تحتضنك
من سنين
ولكن بقيت مطبوعة
في الحشايا
صورتك
سياتي يوما سيدتي
بعد ما يطويني النسيان
وتعلمين
انك في كل الازمان
كنت معشوقتي



الخميس، 17 يوليو 2014

هرب الكلام

فتحت ورقي عشان اكتب
هرب الكلام
ضحك الورق عليا وقالي
حتاخد ايه من الملام
عمر العتاب ما فتح
للحب باب... ولا داوى
جرح رسمته.. قسوة الايام
قفلت الورق و قلت اسرح
اصلي في الخيال
بلاقي لقلبي الف مترح
لقيت قلبي بيقولي
مين قالك اني في الخيال
ممكن في يوم افرح
انا عاوز يبقالي
في مركب الحب مكان
مبقاش ضيف تقيل
ومهما علي الموج
ميسيبنيش اموت غرقان
انا عاوز قلب في حضني
دايب ولهان
ميكنش بيني و بينه
اسوار و قضبان
المس في كل نظره ليه
عشق وحنان
يحوطني بكفوفه
ويسرق نبضي
يضيع معاه
احساس الزمان
ضحك الورق و قالي
بكره تيجي تكتب عليا
قصه قلب
كان بيحلم بنبض
مليان احساس
بس دقاته وجعته
وجع الرصاص
عاش سجين حلم الهوى
وكان هو السجان







الاثنين، 9 يونيو 2014

صوت انين

نجلس في صمت 
نغوص في اعماق السكون
نتذكر الاحلام
نتأمل الاشياء
تملأنا الشجون
نبحث في تفاصيل الجراح
بأعين تملأها الحيره
املا في ان نخفف الآلام
نربت على صدورنا
لنسكت الطعنات
فماعاد القلب ينبض
بعد ان شوهت ملامحه
الهمسات
....
همسات غدر
في رداء الحب تنكرت
فهدمت بقسوتها
اعظم التحصينات
ونعاود الضغط على صدورنا
نحاول ان نملأها بالهواء
فيرفض...
نعم يرفض الدخول
فلقد اصبحت قبورا
تتناثر في جنباتها الاشلاء
ومعروف ان القبور
يهرب من دخولها الهواء
....
اتتعجبون!!!
وبعضكم يتهمني بالجنون
الا تدرون
ان هناك قلوبا 
تتنفس المشاعر
و تنبض حبا
فكيف لها ان تعيش
دون ان تتنفس
بل كيف لها ان تحيا 
بدون نبض
....
وتستمر الحياة 
بعد الموت
ويبقا في قلوبنا صدى
حنين
خيالات مشاعر
وصوت انين


الأحد، 8 يونيو 2014

بلد الفراعين

قالولي اكتب للبلد كلمتين
معرفتش
بصيت حوليا للي بيحصل
مفهمتش
حاولت اشوف وسط الزحام
احنا رايحين لخير ولا شر
بس مشفتش
يا بلدنا انت بتحبينا
ولا من حضنك 
بتطردينا
عاوزين فيكي نرفع راسنا
وانت بتخلينا
مترح منحط راسنا
نحط رجلينا
قلنا كتير تعبنا
ولارضك لازم نفارق
فينا الي سافر
وبعده عنك مبقاش 
فارق
و فينا للاراض قال
انا مش 
مفارق
ولما قلنا نشوف ايه الي
فارق
لا الي سافر نسيكي
ولا الي قعد في حضنك
عمل فارق
يا ام الشعب الطيب
يا الي حكمك ميت فرعون
لما قلتي لشعبك ... قوم
قام بايده شق الغيوم
فمتقتليش جوانا
املنا فيكي
ومتمسحيش بقسوتك 
حلمنا بيكي
كفايه الي من شبابك بقا
مدفون
فوق ارضك و تحتها
ومتخليش يوم ما قلنا
دمنا فداها
ده يوم ملعون
اصلنا مشلناش فرعون
عشان نجيب مكانه تاني
فرعون
و ارجع و اقول
لما حبيت اكتبلك
معرفتش
اقولك بحبك
ولا خلاص بقيت
مبحبش

الخميس، 5 يونيو 2014

متى الرحيل!!

نبضات قلب
تتحول الى طعنات
تخترق ضلوعا
فتمتلئ الاحلام بالآهات
حياة مرت
ما بين بسمة و دمعة
في لحظات
ذكرى همسات
تعلوا لتصبح صرخات
فيا ربُ
متى يأتي موعد الرحيل
كي تصمت الاحلام
وينتحر القلب العليل
و نضع فوقه
من التراب طبقات
ولا يبقى من قصته
سوى بعض كلمات
كتبتها مشاعره
فملأت بها بعض صفحات
يرددها من كان يعرفه
و يدعو له ان تتنزل عليه
 بعض الرحمات

الجمعة، 4 أبريل 2014

نظرات

سيدتي
عندما تنظرين الى عيني
تتوقف افكاري عن التدفق
و ابدأ رحلة البحث
عن شاطئ حنانك
عندما تخترقيني بنظراتك
اتساءل
هل ترينني رجل
كسرت قلبه الايام
ام انت معجبة بروح
تبحث عن حب يحتويها
في اعماق الاحلام
تجعلني عيناك
احب السكون
ولكن سيدتي فالتعلمي
ان سكوني ليس ضعفا
وان روحي  لن تقبل
في يوم قتلها عطفا
ولترحمي قلبا
جراحه تركته كهلا
لا يقوى على التصدي
لسهام نظراتك
ولتتلطف همساتك
قبل ان تدخلي احلامي
فبئر حبك يبدوا عميقا
وانا ما زلت 
في ذكرياتي غريقا

الثلاثاء، 25 مارس 2014

لم اعد اشتاق اليك

جلست مع قلبي نتسامر
فصداقتنا تمتد
منذ نعومة الاظافر
تذكرنا سويا كيف كنا
لعبنا و ضحكنا
عشقنا و بكينا
وفي دروب الدنيا مشينا
حتى اننا لم نعد نذكر
كم من سنين العمر عشنا
وكم في جلستنا قضينا
سألته عنك فلم يجب
جلس صامتا
تائها...
سمعت لصمته انين
اهذا صوت الحنين
فاجاب ساخرا
بل هو صوت السنين
تصرخ الما
على قلب قتل غدرا
ذبح على مائدة للحب
بنصل القسوة
وترك لينزف
مشاعره بحرا
وبعد ان كان يحيا
لسماع صوتك
وبعد ان كان يطير
لرؤيتك
اصبح يموت
اذا سألته عنك
حبيبتي
لم اعد اشتاق اليك
لقد توقف قلبي 
عن النبض باسمك
ومسحت من عيناي 
صورتك
حبيبتي فلتضيعي 
بين غيوم الحياه
فلم تعد احلامي 
تناسبك
ولا تذكريني باسمك
فلم تعد بي حاجه
لمخاطبتك
دعي جفناي يحتضنان
ذكرياتك
ودعيني اصلي
فقذ يرضى عني قدري
و يعيد لي
ما اضاعه قلبي
من ايام

الأحد، 9 مارس 2014

طعم الرجوع مر

طعم الرجوع مر
يمكن اكتر من السفر
والليل بقسوته بيمر
مهما غاب 
ضوء القمر
بنهرب و نبعد
عن الاماكن 
عن الوشوش
بنغمض و ندعي
ان في يوم
العيون ميتلاقوش
ويدق الاشتياق جوا القلوب
وفي ذكرياتنا بنغرق
ونحضن ريحة الطوب
الي كان شاهد
على نبض ايامنا سوا
قبل ما نتوه في الدروب
نرجع نكلم نفس الحيطان
ونسمع لسكوتنا صدى
ريحة البكا ماليه المكان
ورجوعنا للوحده قضا
نفتح ببان و نقفل ببان
والقلب جواه فضا
تنزل دموعنا
لما سألنا امتى
تضحك لينا الليالي
و نلمس بادينا
احلامنا؟
لا الليل ضحك
ولا لقينا دوا
لأوجعنا
ورفعنا ايدينا بالدعا
لما اتكسرت من الهموم
ضلوعنا
وعشان نعيش
على نفسنا ضحكنا و قلنا
يمكن في يوم نحب
و تملا الضحكة قلوبنا
يمكن دنيتنا تحن
ونلقا وسط الحزن
حضن...
يضم جواه عيونا
يمسح منها الشجن
ويطبطب على دموعنا
يمكن حيجي اليوم
الي قلوبنا تلقا فيه الدفا
تلقا فيه السكن
و نغمض و نحلم
و نصحا جوا الحلم
بقلوب ملاها الوفا
يمكن ...

السبت، 8 فبراير 2014

لم أكن اعلم

لم اكن اعلم 
ان هذا هو شعور الدفئ 
الا وانا بين يديك
لم اكن اعلم
ان معنى النعومه
هو ملمس شفتيك
انا لم اتعلم ...الحب
الا وانا اطير
في سماء عينيك
لقد عشت عمرا اتصور
اني اعرف ما هو الحب
و كيف يكون الحنان
و كم كنت اتفاخر
برقصاتي مع قلوب
لا تعرف للعشق 
عنوان
حتى التقيتك
فتعلمت كيف يكون 
للهوى عدة الوان
كيف تنسيني
اين نجلس
فيتوقف معك الزمان
كيف تهدهدي بلمساتك
القلب و الروح 
والوجدان
و كيف اذا مشيتي
تتركي عطرك كي
يحتضن المكان
تعلمت 
اني لم اكن ارى
قبل ان اراك
لم اكن اشعر
حتى لمستك
لم اكن اتنفس
قبل ان اتنفسك
تعلمت 
انه امامي الكثير
اتعلمه منك
عن الحب
فهل ساتعلم!!!

الخميس، 6 فبراير 2014

تفاؤل بدون داعي

مش لازم احساس الالم
يبقا حاجه تزعلك
خليه لقدام يدفعك
روح امسك بالقلم
واحفر احلامك
قبل اوجاعك
على ورقه 
على حيطه
او حتى على ايدك
متخليش الي وجعك
يشوف في عنيك يأس
بالعكس
خليه بقوتك يحس
وانت على الزعل
بتدوس
متخليش احساس الالم
يبقا حاجه توقفك
و على دنيتك يغضبك
بالعكس
خليه دايما 
احساس يحترم

الثلاثاء، 4 فبراير 2014

السكوت من دهب

صدق الي قال
ان السكوت من دهب
ده حتى في الخيال
بقا الكلام قلة ادب
لو صوت تفكيرك اتسمع
تلاقي الي يقولك يا جدع
ازاي تقول انك بتحبها
ولساك بتعشق ارضها
ايه .. بتقول ايه
بروحك تفديها
و بدمك عاوز تسقيها
و هي اصلا سابتلك دم
....انت بتقول ايه يا عم
....هو انا كلمتك
فاكر كام يوم حلو
شفته فيها
طب و كام يوم غم!!!
والهم ..آآه من الهم
وجع القلب
و كسَر العضم
....خلاص يا عم
....مش ححبها
بلاش قلة ادب
ده انت اتولدت على ارضها
جريت و لعبت
و حلمت و كبرت
و امك مدفونه في حضنها
متقلش انك مش بتحبها
انت بس مرجوح منها
بكرة تتعدل 
وترجع تحن لأهلها
....مش كنا بنقول
....السكوت من دهب

الجمعة، 31 يناير 2014

زمن العجايب

بقينا خلاص في زمن العجايب
الغريب يخاف علينا
والجرح يجي من الحبايب
بنحلم بهمسة حب
تطلع من الشفايف
ونهمس في لحظة عشق
قد ايه ... القلب خايف
لمست بايدي قلبك
وغرقت جوا حضنك
ولما فتحت عيني
لقتني في الحلم شايف
قلبي في عنيكي دايب
بيضحك ويقولي
شفت زمن العجايب
سنين و سنين بندور
على حب غايب
و ما لقيناه
ولما الدنيا عنا 
غمضت عنيها
العشق كله 
في لحظه قرب عشناه
ورجع الخوف يملانا
اصلنا في زمن العجايب
الجرح دايما بيجي
من الحبايب