أخطأت عندما تركت قلبي
يعشق و يهوى
فما لدروب الهوى خلقت
و ليس لي من حبها مأوى
عصفت بي الأقدار وقعت
و في حبها عشت
لحظات العشق و الجوى
تصافحت عيوننا
تشابكت ايدينا
تعانقت شفاهنا
فحلقنا مع نسمات الهوى
ورقصنا على نغمات قلوبنا
داعبنا السحاب
و في النهاية استيقظت
لأجد قلبي ملقى على التراب
لأجد قلبي ملقى على التراب
يا قلب لست لحبها انكر
و كيف انكر نعمة
جعلتك بالحب تكفر
بعد ان اصبح هواها
عليك محرم
فمن الآن
لن تصلي في محرابها
و لن تغمض عيناك
و كيف انكر نعمة
جعلتك بالحب تكفر
بعد ان اصبح هواها
عليك محرم
فمن الآن
لن تصلي في محرابها
و لن تغمض عيناك
لتحيا في حلمها
بل ستكتم داخلك
حبها
لتحترق به وحدك
حبها
لتحترق به وحدك
و في غياهب صدري
ستستقر
فهذا هو قدرك
فهذا هو قدرك
هناك 20 تعليقًا:
بسم الله
هو أولا
إنت بتتفوق على نفسك ماشاء الله،،وقلمك بيتقدم بجد،،
الفكرة بتاعة القصيدة جميلة جدا جدا
الحلم..هو مين فينا ما بيحلمش،وحلمه مااتحققش،،
تصافحت عيوننا،
أد إيه التعبير البلاغي هنا ممتاز،،ياما عيون سلمت على بعضها،،من غير كلام،،
ومع ذلك،،قالت أحلى وأرق وأبلغ كلام..
أنا بعشق لغة العيون،جداااااا
أكتر من الكلام بكتير،،
***
رقصنا على همهمات قلوبنا
فعلا دي فيها إحساس عالي جدااا
الرقص على دقات القلب،وجميل وصفك لدقات القلب على إنها همهمه
وهو ده..همس القلوب
; ))
بجد إنت كاتب بوست جميل،حساس،مليان مشاعر رقيقه ومؤلمة جداا،
بس ياريت يابندق،ما تبطلش حلم،،
ساعات لما بنوقف أحلامنا،دنيتنا بتوقف بينا،،،
كمان هنستكتر علينا حتة حلم؟
***
تسمحلي أكتب بوست عندي بنفس الفكرة دي،لو وافقت أكون شاكرة جدا ليك
السلام عليكم
يا سلام انا اول تعليق
ده شئ جميل اني اكون اول واحد يعلق على الموضوع ده
ايه يا عم الكلام الفارغ ده
ما تحلم ولا متحلمش انت حر
هو لازم توجع دماغنا باحلامك كمان
********************
على فكرة ده فعلا الي جه في راسي بعد ما كتبت البوست و نشرته
رجعت اكتر من مره اشوف حد علق عليه ولا لأ و لما محدش علق قلت اعلقلي انا و حسيت اني لازم اتخانق معايا.
******
عموما حصل خير
الحب غلطه الحياه التى لا تغتفر
حزينه
اخى . Bondok
شكرا للمجاملة الرقيقة ، النفد المطلوب ليس الكلام المنمق ، النقد المطلوب هو ان اقول هذه مبالغة غير صحيحة او هذا التعبير غير واضح وهكذا
"ودول فاتحينها عالبهلي" البهلى يعنى سايبه خالص لا اسوار ولا ابواب ولا حراس
( بس اسمحلي اني اسأل عن الي مفهموش ) حقك وواجبى التوضيح
(و في غياهب صدري في النهاية
ستستقر )
كدة يبقى صدرك ولا جب سيدنا يوسف
من دواعى سرورى ان تجعلنى صديقا ولك شكرى
بنورة
واضح انك علقتي على الموضوع قبل ما انا اعلق عليه هههههههه فرق دقائق
كالعادة انت مجاملة و بتحاولي دلئما ترفعي من معنوياتني
اشكر ليكي متابعتك المستمرة لما اكتب
حزينة
سعيد لمرورك على مدونتي
يا ترى دي اول مرة ولا كان فيه مرات اخرى و لم تتركي تعليق؟
و حزين لحزنك و اتمنى انك تجدي السعادة قريبا
الاستا> العزيز بيرم
انا مش بكيب كلام منمق
انا بتعلم منك السياسة في الكلام.
و الي قلته اني لست على المستوى المطلوب لانقد ما تكتبه زي ما انت طالب
و اكتفي باني اقرأ و اسأل عما لا افهم
عارفــ انا قراتـ البوستــ كام مرة كتير مش علشان كلامة صعب لا علشان حبيت الحلم الى حلمتة,, مااجمل الرقص على همهمات القلوبــ ,, ومااجمل ان يحلق بنا الى السماء ,, احلم يابندق لا تحرم حقكــ فى الحلم,, واصرخ بحلمكـ ولا تتراجع وتندم علية فلا بيدنا غير حلمنا,, انا اغلب البوستات الى عندى احلام ,, بحلم وبكتبــ واخرج حلمى للنور ,, احلم يابندق واكتب واخرج حلمكــ للنور
حتى حلمنا هنتحرم منه!!اكتبــ لان حلمكـ برئ ,, طفل فى مهدة عايز يكبر
سلمتــ احلامكــ وسلم قلمكــ المبدع
بجد البوستــ دة مختلفــ
لكــ تحية صافية منى ؛؛
القصيدة رااائعة بجد برغم ما تحويه من بعض عدم الامل لكنني احببتها كثيرا
اسلوب حضرتك حقا اكثر من راااائع
تحياتي
شكرا يا رنده على التعليق الرقيق احنا بنحلم و ملناش غير انحنا نحلم
بس صدقيني فيه بعض الاحلام بتتعب اكتر ما بتريح
اسراء
اشكرك على المجاملة و اشكرك على الزيارة العزيزة (عشان مش بتيجي كتير)
كمن بندق فى الخريف فهو كامن ..ثم خرج علينا بكلمات رقيقة ...حلم طار فيه للأفق ثم ضربه الصياد ببندقيه رش فهوى مرفرفا ...فقد دخلت الرشه فى البطين عدل ... عموما أنا أعرف ناس كتير أصابتهم بنادق الرش وظلت الرشه داخلهم سنين طويله كذلك أنت صديقى ..ستتليف الرشه داخل غياهب الصدر وتنمو بصيلات جديده من نفس النوع
يا عيني يا استاذ ماكس يا بتاع زمان :)
ختامها مسك :)
انتظرت زيارتك فترة طويلة
و اخيرا ظهرت
موضوع الرشه ده موضوع كبير و يدل على انك صياد طيور كما الحال هنا .. كان عندي بندقيه رش حافظت عاليها اكتر من 12 سنه و في يوم والدي قرر اني اهملتها و انه لازم يزيتها و ينضفها و من يوميها انتهت البندقيه الى ثلاث قطع ترفض كل قطعة ان تعود لأختها ههههههههههههههههههههه
زيارتك اسعدتني
شكرا
أسعد الله أوقاتكـ اينما كنتــ
إنه العيد الذي يملأ الأيام والليالي بأقدس اللحظات
والقلوبـ بالبركة والصفاء والإيمان
الله يديم الاعياد، والافراح
وكل عام وانتم بخير
عيد سعيد عليكـ وعلى اسرتك الكريمة
دمت بود
Bondok
السلام عليكم ورحمة الله وبركاته
اجمل التهانى بمناسبة عيد الاضحى المبارك اعاده الله عليكم وجميع الاهل بالخير والبركة ، وجعلنا واياكم من الملبين فى العام القادم
والسلام عليكم ورحمة الله
اخى الفنان . Bondok
( بس خليني احدفلك ) ، احدف كله مقبول منك حتى ولو طوبة انما جزمة لا لانها ملحقات بوش
( سؤال كالعادة ) ، عادة ما تنقطع ان شاء الله، وبس لانى تمنيت المزيد
يعشق و يهوى
فما لدروب الهوى خلقت
و ليس لي من حبها مأوى
دخول او بداية موفقة وشاعرية فعلا ، ولكن فى الابيات الاخيرة تهت انت من نفسك وتوهتنى وياك مين بيكلم مين وكام قلب فى الساحة
تحياتى
بندق
أسعد الله قلبك وأوقاتك
عندي ملحوظه صغنتوته جدا وياريت ماتشوفهاش على انها اي نوع من النقد لإن نقد المشاعر مستحيل ومقطوعتك دي بالذات هي مشاعر تعبر عن نفسها بـ كلمات
بدأت مقطوعتك بـ أخطأت عندما........
لو كنت حذفت الكلمتين دول من البدايه (من الناحيه الجماليه) لكانت البدايه فيها عنصر التشويق وكان وقع النهايه أضخم. يعني يابندق النهايه كانت ضخمه من غير تجميل
هل فكرت في تجميع مقطوعاتك النثريه ونشرها في كتاب بنفس عنوان مدونتك؟
ايمان
السلام عليكم
استاذنا العزيز بيرم المصري
يسعدني دائما تواجدك معايا في المدونة
اولا شكرا ليك جدا و الحمد لله ان البداية ةعجبتك
بس انا مش عارف ايه الي لخبطك في الآخر
هو مفيش غير قلب واحد الي انا بكلمه.
مش عارف
انا حاولت اقرأها اكتر من مرة عشان اتوصل لوجهة نظرك بس ما وصلتش
لو ممكن تساعدني اكتر اكون شاكر ليك جدا
ايمان الغائبة دائما
اولا شكرا ليكي جدا انك بتلاقي وقت عشان تيجي المدونة و تكتبي تعليق
و ثانيا اتمنى انك تكوني بخير...
بصي يا ستي..انا مش بزعل من النقد لان ده رأي و زي منتي قلتي في الاول الي بكتبه ده مشاعر و ليس الغرض منه اني اكتب شعر
و اعتقد انك حتتفقي معايا في ان كل حد بيقرأ الكلام ده بيحسه اكتر ما بيفهمه ؛ و تعليقك او نقدك ده نابع من احساسك الي الكلام حركه جواكي ؛ و بالتالي احساس القارئ عمره ميزعلني :):)
ارجو اني اكون وصلتلك وجهة نظري.
اما موضوع كتاب ده
فاعتقد ان دي مجاملة رقيقة منك جدا لأني مفتكرش ابدا ان كتاباتي ترقى لمستوى انها تتكتب في كتاب...محدش حيدفع فلوس فيها يعني :):):)
و لو وزعتها ببلاش حتى هههههههههههههه
عموما شكرا ليكي جدا على انك شايفة قيمة فيما اكتب
اخى الكريم . Bondok
السلام عليكم ورحمة الله ، واسعد الله صباحك بكل الخير
اين كنت يا اخى وتركتنى وهذا الخطا لمدة اسبوع ولم ينبهنى احد اليه ، اشكرك جزيلا وبارك الله فيك ، وقد اصلحت الخطا واحسنت لى فلك الشكر ولك تحياتى
إرسال تعليق