السلام عليكم جميعا ؛ النهارده انا حكتب قصيدة بس مش من كتاباتي انا ؛ انما من كتابات واحد صديقي كنا مع بعض في الكلية و كنا بنكتب و بنقرأ الي بنكتبه لبعض (احيانا) ؛ التقينا اليوم على الانترنت و بعتلي الينك بتاعت كتاباته و انا استأذنته اني انشرله بعض من هذه الكتابات عندي في البلوج بتاعي. ارجوا ان ما ستقرأوه يعجبكم
يا صلاح الدين ...
السلام عليك من قوم مسرفين
نسوا الله فهم غافلين
و يأسوا الغيث فهم قانطين
يا صلاح الدين...
لا تسالني اين حطين
فما عزت بعد رحيلك غير يوم جنين
حين استبحنا الذل فرحين
و جاء بعضنا على بعض متناحرين
و جئنا بصحبة من قوم ملعونين
باتوا فينا اعزة ...
و نحن على اهلنا متكبرين
جعلنا ذليلهم عزيزنا...
فاذل القوم الحاكمين
يا صلاح الدين...
دعك من قوم نائمين
غرقوا في جبنهم خائبين
يدعون الله و ماهم بمؤمنين
بوهنهم اصبحوا باكين
كاصحاب الغارقة متضرعين
و يوم يسرهم لاهين
تواكلوا على الله و كانوا لاعبين
يا صلاح الدين....
لا تحزن على حطين
فقد عدنا يوم التتار بجالوت ذات العين
و ما تركنا الاقصي مخيرين
بل اثم العزة اخذها فكانت من الفاتنين
يوم نصرة رمضان على قوم خاسرين
يا صلاح الدين...
اليوم نحن مقهورين
كما العبيد و للسبيل ضالين
و الى المذبحة مجموعين
و الى النهاية مهرولين
اليوم الاحزاب على قومنا عاليين
و اقوام منا قالوا انا مسلمين
كانوا و ما ملكوا للاحزاب من دون الله ساجدين
صمت قلوبهم ...
عمت بصائرهم...
شربوا دماء اخوانهم فاصبحوا عطشين
يا صلاح الدين..
هنا و قد شكوت اهلي المقيدين
باغلال الخضوع مأسورين
و قنعوا بنون النسوة راضين
هلا نبأتهم ما بفعلهم حاصدين
ولا تنسى بدعاءك المستضعفين
و اسأل الله ان يهدي القوم الضالين
فنحن بفعلهم معذبين
و السلام عليك يا ناصر حطين
© Ahmed Awny Khater
انا رأيي ان القلم ده جامد و المفروض يكتبلنا كمان...
هناك 8 تعليقات:
بندق
تحية كبيرة لقصيدة صديقك لعلة يعمل مدونة ونشارك معة فيها فهو قلم صعب اننا نجد مثلة
تحية كبيرة من كل قلبى
واتركك الان فى سلام لكى ارجع اقرائها مرة اخرى لااكذب عليك هى تحتاج مرات للتمعن فيها
تحياتى واحترماتى
رندا
شكرا ليكي يا رندأ على التشجيع و التعليق الرقيق
اتمنى انه يشوفه و يعمل بالنصيحة الي فيه :)
انا عارف فعلا ان القصيدة مش سهلة انها تتفهم في بعض الجمل و انا سألته عن قصده و صدقيني لما شرحلي عجبني جدا المعنى و عرفت اني نسيت 3/4 العربي الي اتعلمته في المدرسه
بسم الله
أستاذي الفاضل
لصديقك منا تحية احترام..ولقلمه علينا،جزيل الشكر..
ولك أنت مني تعليق،بعد الفاصل
: )
رائعة بجد انا قرتها كتير اوى وكل مرة اخرج بمعنى اعمق من الى قبلة
لالا لازم يعمل مدونة قولة هنعمل مظاهرة بلوجاراية لو مش عمل
:)
انا مش بشجعة انا عايزاة يشجعنا احنا يامعلم ههههه
دة ماشاء الله جامد اوى بجد فعلا هيغير كتير لو دخل
نحتاج فى عالم التدوين مدونتات ليها حواس زية
اقنعة يابندق بس قولة يكتب عن الحب شوية انا بحب اوى القصايد دى
حزن جنون دموع حب
لو كتب هيكون جميل لانة عندة معانى ومرادفات جميلة واكيد كاتب كتير
قولة كل يوم جمعة ينزل واحدة منهم
بندق مش هتنازل عن مدونة لية مش ينفع بجد
تحياتى لك يابندق ولصديقك
رندا
بنورة
الحمد لله ان الكلام عجبك
متنسيش انت سباقة في الحكاية دي لما عملتي موضوع البلوجز الي عجباكي
انا طبقت نفس الفكرة بس على واحد مش بلوجاوي
:)
فعلا دي عجبتكك و علقتي عليها مرتين
لا لا دانا كده ممكن اغير ههههههههههههه
انا و الله مش عارف اشرحلك انا قد ايه كنت مزهول و مبسوط ان قلمه بيكتب المستوى ده
و على فكرة ليه قصايد عن الحب و الدموع
انا عاوز اقلك انه كاتب قصيده عشاني
شفتي بقى
ان شاء الله يا اما يقتنع بموضوع البلوج او حنشرله انا قصايده عندي بالغافيه
يا صلاح الدين...
لا تسالني اين حطين
فما عزت بعد رحيلك غير يوم جنين
حين استبحنا الذل فرحين
***
آااااااااااااااه على كم الألم اللي أثارته الجمل دي مخصوص فيا
***
فما عزت بعد رحيلك غير يوم جنين
يااااااااه على قوة الكلمة في قلمه
ده بجد قلم رصاص
***
أرجوك يا بندق
ماتحرمناش كتاباته
خصوصا القصيدة اللي كتبها عنك
: ))
***
وبجد الشكر كله ليك
لإن اختياراتك دايما راقية
تحياتي
يا سلااااام
والله فيكي الخير يا بنورة
انت و رندا الوحيدين الي بتقروا المدونة بتاعتي :)
ربنا يستر و تفضلوا تقروا
اما بقى بالنسبة للقصيدة الي كاتبهالي فا انشاء الله حبقى انشرها هنا :)
إرسال تعليق