كان يا ما كان

كان ياما كان
قلب صغير عايش يومه
بينام و يصحى من نومه
بيحلم انه في يوم حيحب
مكنش يعرف ان جرحه
مفيش كلام حيعرف يوصفه
و كان ياما كان
كل يوم بيقابل وشوش كتير
ويشوف من القلوب الوان
ولما شاف قلبك
حس جواه بالحنان
اترمى في حضنه
و قالك بحبك
و افتكر انه كده
لقا الامان
ده كان زمان
انهارده و احنا بنحب بعض
مبقاش للفرح بينا مكان
و الحزن ملانا زي الطوفان
لما نتسأل عن الحب
بنقول منعرفوش
حتى الضحكه ضاعت
 من الوشوش
لما القلوب قست على بعض
و نرجع نقول
كان ياما كان
الحب و العشق قصه
نقراها في كل مكان
لناس كانوا بيحبو بعض
زمان

كلام في الحب

قالوا في الحب

كلام كتير ميوصفوش

سعاده و هنا

شجن و دموع

وانه لحظة ما بيتولد

بيبان في الوشوش

بس الحقيقه مش كده

اسأل اي قلب موجوع

حيقولك

الحب سهم طاير

بيكسَر في القلوب

من نظرة وابتسامه

بتتلاقى الدروب

و في لحظة الفراق

بتموت براءة العيون

الحب بيخليك تحلم

بناس ميستهلوش

تطبطب عليهم وهما

يكسروك وميتكسفوش

عشان كده 

كتبت على قلبي

لو سمحتو

متقربوش

متستغربش

متستغربش

لما تبقا عاوز تقول كلام

وتلاقي الكلام..

مبيتقلش

اوتكون وسط ناسك

حاسس بالغربه

و انك...

متشبهمش

تمشي في الدنيا وحدك

تسال فينك يا صاحبي

يالي جرحك كان دايما

هو جرحي

ولما تقابل صاحبك

تجري عليه ..

تقرب منه..

تاخده في حضنك

يعمل نفسه...

ميعرفكش

فمتستغربش

تغمض عنيك

تحلم بحضن يضمك

ولما تحبها

وتروح لقلبها

تقوله بحبك

يرد عليك يقولك

مبحبكش

فمتستغربش

تسمع صوت صرخة

طالعه من بين ضلوعك

تحط ايدك

على صدرك

تحاول تكتم صوت قلبك

بس صوت الوجع..

مبيتسمعش

صوته يكسرك

يهد روحك

ومهما قلبك صرخ

بيفضل صوت صرخته

جواك

هي دي دنيتنا يا قلبي

اعرف قسوتها

ومتستغربش

اوهام

على وشي ضحكه
مليانه دموع
جوايه قلب بيصرخ
من الظلم موجوع
في الدنيا عايشين
و الالم معشش بين الضلوع
الحلم راح و خلاص
مفيش امل للرجوع
طريق مشيناه
وحلمنا كان شوية حنيه
قلب يحس و في حضنه
نلقا الامان 
مقبلناش غير قلب 
مليان أسيَه
وحكايتنا اتكتبت 
كلها فراق و حرمان
ايامنا عدت علينا
مليانه بالاوهام
يوم نعيشه حب
و يوم نعيشه قلق
و باقي الايام 
مفيهاش غير احزان
يا دنيا ليه بتعادينا
و احنا عايشينك 
و احنا عاشقينك
و ما طلبنا منك
غير حب وكرامه
ليه تحرمينا
من اننا نعيش
و احنا بعد شويه
سايبينك 
وحتنسينا 
كأننا معشناكيش

انت مين؟؟

الدنيا فيها الي بيعيش عبد
وفيها الي بيعيش حٌر
و فيها ناس بتموت من البرد
و ناس تانيه مش مستحمله الحَر
انت مين فيهم!
ده سؤال مش مهم
لأنك ممكن تلاقي حٌر منغير قلب
و عبد من العبيد يغرقك حب
و ممكن حضن في عز الحَر
يملا قلبك برد
و لمسة ايد في قلب التلج
تدفي مشاعرك
و تملا حياتك ورد
و يبقا السؤال المهم
انت عندك قلب
بتحس بيه
بتحب بيه
ولا وجوده زي عدمه
فرحه زي المه
في البطاقه انسان
لكنك في الحياه
مينفعش حتى تظهر
في عالم الحيوان

دفتر الأحلام

اطفأت الانوار و ذهبت الى كرسي الهزاز؛ الذي ينتظرني منذ فتره في الركن المظلم من الغرفه؛ مددت يدي واضأت اضاءة خافته . امسكت بدفتر طوبي اللون يبدوا عليه التقدم في السن من كثرة التجاعيد الظاهره على غلافه و اعوجاج اجزاء من اطرافه و لكن بالرغم من عجـزه تنبعث منه رائحة عطره تبعث الكثير من الراحه و تحرك في القلب الكثير من الذكريات ؛ فقد كنت معتادا انا انثر عليه قطرات بسيطه من عطري الخاص كلما كتبت فيه حلما.
حلما !! هل قلت حلما؟ نعم انه ليس دفتر مذكرات و لكنه دفتر احلامي ؛ فلقد احببت دوما ان ادون احلاما لم استطع نسيانها كلما استيقظت كباقي الاحلام ؛ جلست اقلب في دفتر احلامي فتهت بين الصفحات ؛ وجدت فيه صفحات تبللها العبرات و اخرى تشوبها الضحكات في هذه الصقحه بستان ورود يجري في وسطه جدول مياه صغير مياهه صافيه و في الصقحه التاليه وجدت قمرا يخرج من بين الامواج يهرب و يتخفى في عبائته السوداء و رمال تبكي الما من كثرة الاقدام عليها . و في هذا الحلم سحابات صغيره تعانق بعضها و قلبان يطيران فرحا في بساتين الاشواق. تغيرت اجواء غرفتي بتغير صفحات احلامي و لكني لم اتوقف عن البحث فانا ابحث عن اجمل احلامي و كما لو كان قلبي هو من يقلب الصفحات فقد طارت الصفحات بين اصابعي و لم اعد من يتحكم فيها حتى وصلت لصفحات لا تشبه باقي الصفحات انها اوراق ملأت برزاز امواج البحر عندما كتبتها و انا احكي للبحر عنك ؛ نعم لقد شاركني البحر في كتابة هذا الحلم ؛ و ها انا أبدأ في قرائته.
ضباب و زحام و رغبه شديده تقذف قدمي للسير في هذا الطريق ؛ لم يكن الطريق غريبا فانا اسير فيه كل يوم اعرفه و اعرف تفاصيله بل اعرف ايضا متى امشي على الرصيف و متى اترك الرصيف لاحتوائه على الكثير من العثرات ؛ و لكن هذه المرة شعرت ان الطريق يعاندني فلا يريد ان ينتهي فحثثت السير كي اتغلب عليه فزاد تعبي و اختفى الناس من حولي و وجدت نفسي وحيدا تماما في هذا الطريق الذي لا اذكر اني رأيته خاليا ابدا ؛ نعم اصبح الطريق خال تماما و لكني لاحظت انه رغم خلو الطريق الى ان الاصوات كلها موجوده ؛ اصوات العصافير تتقافز على الاشجار اصوات السيارات تمر بجانبي ولكنها غير مرئيه ؛ شعرت بالتعب فتوقفت انظر حولي اتأمل هذا الفراغ المليء بالاصوات ؛ هبت رياح خفيفه وشعرت ببرد يأتي من داخلي يتملك كل جسدي فاحتضنت صدري بيدي في حركة تلقائيه لا اعرف اذا كنت بها ارغب في ان ادخل الدفئ الى قلبي ام امنع هذا البرد الغريب من الخروج ؛ قررت ان اكمل السير فأخذت نفسا عميقا ملأ صدري و لكني فوجئت بعطرك يملأ الهواء من حولي ؛ تقافز قلبي فرحا و تسأءلت من اين يأتي هذا العطر ايمكن ان تكوني فعلا موجوده هل جئت الى شارعي ؟ اين انت فانا لا ارى حولي الا شارع خال مليء بالحركه و اسمع اصوات طيور لا اراها فأين انت؟ لا انت لست موجوده اكيد انا احلم و يجب ان اكمل السير حتى انتهي من طريقي ؛ اخذت نفسا آخر لكي أتاكد اني احلم و لكن كان عطرك هذه المره اقوى فتساءلت حتى لو كنت موجوده فما الفارق فها انا اسير وحيدا و لماذا في الاصل اصر انه انت صاحبة هذا العطر!! من الممكن ان تستعمله اي فتاة غيرك لماذا يصر قلبي على انه انت؟ اسكت ايها القلب و دعني اكمل طريقي. و بدأت الخطى مرة اخرى و لكن هذه المرة بدأ الطريق يقصر و قاربت نهايته في الافق و ابتسمت عيناي لرؤياك في نهاية الطريق.
 ماذا اقول؟؟؟ رؤياك!!!
هل هذه فعلا انت؟؟؟ نعم انه انت لقد سمعت عيناي تنادي على قلبي الذي سبقني اليك و تقول له ها هي حبيبتك.
اقتربت منك و انا لا اعرف ماذا اقول حرجا مما فعله قلبي ؛ لقد احبك و لم يأخذ اذني بل و لم يخبرني ؛ اقتربت لأعتذر عن مشاعري التي قد لا تتقبليها و لكني فوجئت بعيناك يحتضنان مشاعري و ابتسامتك تبعث في قلبي دفئ عجيب فاقتربت منك اكثر و امسكت يدك و نسيت وجهتي فلم اعد اكترث اين سأذهب يكفيني انك معي ؛ وقفت انظر اليك ولا اتمنى شيء الا ان تظل عيناك هما كل ما اراه حولي و ان تبعث ابتسامتك الحانيه في قلبي الدفئ دوما . فيض من المشاعر ملأني فسبحت داخل عيناك ووجدتني اقول لك "احبك يا مبعوثه الرقه الى قلبي ؛ احبك يا من حنان لمسة يدها ازال عن قلبي تجاعيد قسوة الزمان؛ احبك" 
هل انا احلم ام ما يحدث حقيقه؟ هل فعلا امسك يدك؟ هل قدر لي ان اقترب منك و اتنفسك كما افعل الآن؟ سألتك فلم تجيبي و اكتفيت بان احتضن كفيك وجهي و ابتسمت ملامحك الملائكيه كلها ثم وضعت رأسي على صدرك كما لو كنت تقولي لي بطريقتك "انا ايضا احبك" لقد منتحتيني في لحظات الحلم هذه كل ما قد يتمناه العاشق من معشوقته و لكن للاسف فالحلم دائما ينتهي سريعا فاستيقظت وانا ما زلت اشعر بلمساتك على وجهي ما زلت اتنفس عطرك في قلبي استيقظت و غضبت انني استيقظت ؛ فقد كان هذا الحلم هو اللحظه الوحيده التي كتب لي فيها ان اعيش معك لحظات الهوى كما تمنيتها ؛ فانا لم يكتب لي ان احبك و ابوح لك بحبي الا في احلامي او على اوراق كتاباتي ؛ و ها انا كلما اشتقت الى اجمل لحظات حياتي اجلس اقلب صفحات احلامي ؛ و استعيد ذكرى هذا الحلم كم تمنىت لو استطيع ان احلم به مرة أخرى.
اغلقت دفتري و ذهبت الى فراشي ؛ وضعت الدفتر على وسادتي و اغمضت عيني آملا ان اراك مرة أخرى في احلامي فقد اشتقت اليك يا من سوف احبها ما حييت.

متغربين

بنعيش حياتنا متغربين

نسافر و نبعد

على وعد اننا راجعين

وتمر ايام

شهور و سنين

وبنرجع لنفس الاماكن

قلوبنا مليانه لهفه

وشوق و حنين

نفسنا نشوف كل الوشوش

بنلقا الملامح متغيره

بقوا كبار....

الي كانوا من كام سنه

عيال صغيره

بس في نظرنا

حيفضلوا بردو صغيرين

وتقابلك عنين .. فاكرهم

عارفهم ... حافظهم

اصلك في كل ليله

كنت بتحلم بيها

باول نظره بينك وبينها

بلحظة ما ايدك حضنت ايديها

اتواعدتم انكم مش مفارقين

و في لحظه اللقا

كل سنين الغربه بتتنسي

بنفتكر اننا خلاص

من حقنا نمسح دموع الفراق

وبعد البعاد

حنقدر نرجًع كل لحظه

عدت علينا

عيشناها بعيد

وفجأه نكتشف

اننا مش قادرين

نقرب

نلمس ايدينا

بقينا بنسلم

بس بعنينا

ونلاقي نفسنا لسه متغربين

اصل غربتنا

مش غربة اماكن

غربتنا في القلوب

بقت محفوره

ومن كل وعود العاشقين

وعد واحد

خطوطه جوانا

مقدرش يمسحها الفراق

ان مهما الايام تفوت

ذكريات نظرة الحنين

ولمسة اللهفه

ووقت البعاد صوت الانين

مش حتموت

وحتفضل قلوبنا لأخر العمر

متغربين