متستغربش
لما تبقا عاوز تقول كلام
وتلاقي الكلام..
مبيتقلش
اوتكون وسط ناسك
حاسس بالغربه
و انك...
متشبهمش
تمشي في الدنيا وحدك
تسال فينك يا صاحبي
يالي جرحك كان دايما
هو جرحي
ولما تقابل صاحبك
تجري عليه ..
تقرب منه..
تاخده في حضنك
يعمل نفسه...
ميعرفكش
فمتستغربش
تغمض عنيك
تحلم بحضن يضمك
ولما تحبها
وتروح لقلبها
تقوله بحبك
يرد عليك يقولك
مبحبكش
فمتستغربش
تسمع صوت صرخة
طالعه من بين ضلوعك
تحط ايدك
على صدرك
تحاول تكتم صوت قلبك
بس صوت الوجع..
مبيتسمعش
صوته يكسرك
يهد روحك
ومهما قلبك صرخ
بيفضل صوت صرخته
جواك
هي دي دنيتنا يا قلبي
اعرف قسوتها
ومتستغربش
هناك تعليقان (2):
تحفه فنيه يا مصطفى برافو عليك
الكلام روعه والاحساس زى ما اتعودنا عليه ما لوش حل .حسيت اوى بالكلمات.بس اكيد ان الشخص دا ما عرفش يختار لا الاصدقاء ولا الحب الى يستهلو.لو صديق بجد هتلاقيه ولو حب بحد مش هتحتاج تتكلم وترحله من غير دا هيكون جنبك ومعاك.بالتوفيق مع صديق صدوق وحب مخلص دايما تلاقيه موجود.
إرسال تعليق