على وشي ضحكه
مليانه دموع
جوايه قلب بيصرخ
من الظلم موجوع
في الدنيا عايشين
و الالم معشش بين الضلوع
الحلم راح و خلاص
مفيش امل للرجوع
طريق مشيناه
وحلمنا كان شوية حنيه
قلب يحس و في حضنه
نلقا الامان
مقبلناش غير قلب
مليان أسيَه
وحكايتنا اتكتبت
كلها فراق و حرمان
ايامنا عدت علينا
مليانه بالاوهام
يوم نعيشه حب
و يوم نعيشه قلق
و باقي الايام
مفيهاش غير احزان
يا دنيا ليه بتعادينا
و احنا عايشينك
و احنا عاشقينك
و ما طلبنا منك
غير حب وكرامه
ليه تحرمينا
من اننا نعيش
و احنا بعد شويه
سايبينك
وحتنسينا
كأننا معشناكيش
هناك 4 تعليقات:
حلو قوى تعبير على وشى ضحكة مليانة دموع .. وكمان الجزء الاخير يا دنيا ليه بتعادينا ... للاخر .. عموما انت دايما كل كتاباتك مليانه احساس .. بالالم
جميله اوى وكلها طبعا شجن وعجبنى اوى على وشى ضحكة مليان دموع رائع التعبير دا وفعلا بيعبر بشكل جيد عن حالتنا اننا رغم البسمه كلنا اوجاع وحالة القلق والتوتر الى كلنا عايشنها ورغم دا كله لنا رغبة قوية فى الحياة بشكل افضل ونأمل من الدنيا ذلك رغم قسوتها.مع تمنياتى بالتوفيق الدائم
واحنا.. بعد شوية سايبينيك
حلو قوي و معبره جدااااااا
إرسال تعليق