ساحكي عنك

ساحكي عنك
لكل عين اراها
تشبه عيناك
في صفائها
لكل ابتسامة ترسمها
شفاة
تحاكي شفتاك
في نعومتهما
ساحكي عنك
لكل امرأة
تباهت يوما
بفتنتها
امام مرآة
سأقول لهن
ان حبيبتي
هي من يغار القمر
عند رؤية جمالها
ساحكي عنك
لقلبي
الذي اذابته يوما
نبضات قلبك
عندما لامسته
سأحكي عنك
رغم اني اعلم
ان لن تكفيني 
اوراق العالم
لأصف مفاتنك
ولن تسعفني انفاسي
عندما اتكلم عنك
ولن تتوقف دموع قلبي
كلما تذكر نبضك
حبيبتي
ساحكي عنك

وحشتني دنيتي

وحشتني دنيتي 
كلمات 
تتردد في اذني
يصرخ صداها
في قلبي
تساءلت..
اي دنيا تلك
التي افتقدها
و من بين غيوم 
التساؤلات
جاءت الاجابات
تومض ما بين عقلي
و قلبي
في لمحات
عيناك
ابتسامتك
رقة لمساتك
صورتك
انت بكل تفاصيلك
انتي دنيتي
وحشتيني

يوم ميلادي

يوم التقيتك

كان يوم ميلادي

سكنت عيناك

فكنتي بيتي 

وقبلتي

وبلادي

عشت في بحورقلبك

لحظات عشق

تهاديت فيها

فوق موجات حبك

فنقشت تفاصيلك

على ملامح قلبي

وسطرت حروفك

في صفحات

حياتي كلها

ما فات منها

و ما هو آت 

فيا من اذبتي برقتك

حصون ظنوني

واعدتي لمعة الحياة

تتنفس رحيقها عيوني

وتهاديتي بحنانك

بين دروب حبي

يا من القت عيناك

لقلبي طوق نجاة

وبابتسامتك محيتي

سطور الم

خطتها قبلك

قلوبا لم يعرف الحب

لها عنوان

فالتعلمي انك في قلبي

حبا

و نبضا

و حياة

انك يوم ذهبتي

كتبت بدمي

شهادة وفاتي

واغلق قلبي

عيناه

على نقوش صورتك

لتبقي داخل نبضه

حلما

يعيش لأجله

ويأتي يوم

و يلقاه

زي انهارده من سنه

لسه فاكر
زي انهارده من سنه
شفتك في السما
ورده بعيده
بضحكة رقيقه
منوره
شدتني نظرة
من عنيكي
كانت مليانه اسئلة
وحجات كتير 
متحيره
كنتي بتسالي
انت ليه مش بتبصلي
وعنيك مني 
بتهرب
ليه حساك بتبعد
مع انك مني
قريب
مكنتيش تعرفي
اني من اول سؤال
 جاوبتك
و قلبي دق
 و قالك
ايوه انا
 بحبك
بس خايف...
خايف منك
من قربك
من عندك
من قلبك
خايف ااقربلك
الاقيكي في لحظة
بقيتي سراب
سيبيني على الارض
شايفك طايره فوق
عند السحاب
مش عايزبعد سنه
افتح ورقي 
و امسح من عليه التراب
و اكتب
لسه فاكر
زي انهارده من سنه
شفتك
ومشفتش حد
بعدك

كلام القلب و الروح

مهما خبت الوشوش
العيون بلي في القلب 
بتبوح
و انتي عنيكي حبيبتي
خلوني ورا السحاب
اروح
اقطفلك من السما نجمه
واهديكي معاها
القلب
والعين
والروح
وارجع اقولك
وحشتيني
لحظة ما غمضت عيني
و انا معاكي
وحشتيني
لما اتنفست شوية هوا
مفيهمش...
ريحة هواكي
وارجع واقولك
بحب جنانك
لما تبقي جنبي
وتطيري شعرك
على كتافي
وانتي في حضني 
اوعي في يوم
تخافي
بحب لما تتمايلي 
في رقصه دافيه
بين كفوفي
بتبقي بين اديا
و بخبي منك
عنيا
عشان متشوفيش فيهم
خوفي
من حبك
الي مهما حاولت اخبيه
بقا جزء من ملامحي
خوفي 
من نظرة في عينك
مشفش فيها روحي
اصل الوشوش مهما خبت
العين دايما بتبوح
بكل الكلام
الي ما بين 
القلب
و الروح

غربه

قالوا عن وجع الفراق
لا يحتمل
بيعصر القلب
و يقتل في العين
الامل
ردت الغربه و قالت
انا وجعي زي
النار
باكل العمر
و بجرِي الدمع 
انهار
يا قلب يا متغرب
يا مفارق احبابك وانت
 عايش وسطهم
لا تحاول تقرب
ولا تفكر في يوم 
انك ممكن تقدر
ترجعلهم
مكتوب عليك
تبص في عنيهم
وهم مفرقينك
تاخدهم في حضنك
و حيفضلوا 
مش حسينك
تطبطب على قلوبهم
و بكل قسوتهم
في كل لحظة
قاتلينك

نظرة عين

مش كل نظرة عين
تتصدق
ياما في عيون
مهما فيهم
تدقق
و تحاول تقراهم
و من حكايتهم 
تتحقق
الغدر طبعهم
وقبل ما تلحق قلبك
من غدرهم
حتلاقي سكاكينهم
في ضهرك
بترشق
و في عيون
بالحكاوي مليانين
لنظرة حب مستنيين
بين الناس دايما
تايهين
مش عارفين
اصلا هما مين
ولابيفكروا...
الدنيا واخداهم 
ورايحه بيهم
على فين
هما بس عايشين
مستنيين لحظه
يقابلوا فيها نظرة عين
تحضنهم و ينسوا معها 
قسوة السنين
وفي نظرة عين
مليانه حنيه
بتدوب فيها
اذا بصتلك حتى 
لو ثانيه
بتحضن قلبك
برموشها
و تغير في عنيك 
الدنيا
عنين فيهم شقاوه
مليانين طيبه
و في نفس الوقت
جواهم حلاوه..
حلاوة روح
تخليك فيهم 
تتشعلق
و ترجع تقول لقلبك
مش كل نظرة عين
بسهولة ممكن
تتصدق