زي انهارده من سنه

لسه فاكر
زي انهارده من سنه
شفتك في السما
ورده بعيده
بضحكة رقيقه
منوره
شدتني نظرة
من عنيكي
كانت مليانه اسئلة
وحجات كتير 
متحيره
كنتي بتسالي
انت ليه مش بتبصلي
وعنيك مني 
بتهرب
ليه حساك بتبعد
مع انك مني
قريب
مكنتيش تعرفي
اني من اول سؤال
 جاوبتك
و قلبي دق
 و قالك
ايوه انا
 بحبك
بس خايف...
خايف منك
من قربك
من عندك
من قلبك
خايف ااقربلك
الاقيكي في لحظة
بقيتي سراب
سيبيني على الارض
شايفك طايره فوق
عند السحاب
مش عايزبعد سنه
افتح ورقي 
و امسح من عليه التراب
و اكتب
لسه فاكر
زي انهارده من سنه
شفتك
ومشفتش حد
بعدك