آه

لما الكلام يتكسر
 تحت سن القلم
لما احساس الحزن
يغلب احساس الالم
بتبقا عاوز تعرف 
انت صاحي
ولا ده كابوس
تتمنى لوتلاقي
حد يديك بالالم
يمكن تصحى 
وبايدك على دماغك
تدوس
يمكن تفوق
وتلاقي ده كله حلم
ميترجموش ولا ميت
قاموس
ولما حاولت اكتب
رجعت الحروف تتوه
مع كل دقة قلب
يتكتب حرف 
واخواته يشطبوه
مش عاوز اكتب حكايه
انا عاوز اكتب كلمتين
طيب خلاص
حرفين كفايه
يقولوا كل الكلام
يمكن لما اكتبهم 
ارتاح
ويمكن كمان
اعرف انام
انا عاوز اكتب
آه