ذكريات
اطياف و خيالات
تحكي لي روايات
عن زمن ولى و فات
احلام و آمال
تملأ قلوب الأبطال
ولكنها الآن مكتوبة
في صفحة الوفيات
أُقلب الصفحات
أراك في هذه نجمة
بعيدة المنال
و في الاخرى وردة
تملأ بعطرها القلب و الوجدان
و في المقابلة حلم قلب
تملأه الاشواق
اقلب الصفحات فأراه
يطير فرحا ينشر الالحان
تملأ الآفاق
ولكن....
في آخر الصفحة
اراه راقدا على التراب
تملأه الآهات
يقول لي انها في النهاية
مجرد
ذكريات
هناك 6 تعليقات:
انهاالحقيقه الوحيده
اتى نعرفها ونخشاها
ورغم هذا لانعد العده لها
تحياتى
شكرا يا لاسع بيه
:)
سعدت بمرورك الكريم
تعبيرك عن الحاله اكتر من رائع
مش مجامله على فكره
بس مش عارفه حاسه انه لو اتحكى هايعبر اكتر
يمكن فيه حاجات محتاجه شرح اكتر علشان يبان جماله
يعنى اقتراح كده انه ممكن يكون فيه وصف للحاله الشعريه تحت الشعر مثلا
يمكن علشان الحاله بجد تستاهل الاستفاضه
اولا شكرا جدا على مرورك و على كلامك الجميل
انا بس عندي استفسار
انا مفهمتش قصدك هو ايه الي عاوز يتشرح
لو تقصدي الكلام فانا من رأيي اني بكتب حالة خاصة بيا
بس مش لازم خالص تكون خاصة بحد تاني
يعني ممكن كل واحد يقرأ الكلام و يفهمه زي ما هو عايز يفهمه
و احسن مثال على كده
رأي لاسع افندي في الكلام
بعييييييييد تماما عن المعنى المقصود فعلا من الكلام بس ده ميفرقش معايا طالما قرأ الكلام و انتقل ليه احساس معين ايا كان هذا الاحساس فده خاص بيه هو بالعكس انا بسعد لمجرد انه لما قرأ الكلام حرك جواه مشاعر و افكار حتى لو كانت مختلفه عن الحالة المكتوبه
هل ده اجابه على اقتراحك ولا انا فهمتك غلط؟؟
كلنا هنبقى فى النهاية مجرد ذكريات.. وياريتنا نسيب ذكرى حلوة فى قلوب اللى بنحبهم او بيحبونا.
انا قرأت اخر حلقة فى الرحلة ورايحة أكمل الحلقات الاولى
بجد عجبتني جداااااااااا وكان نفسي تطول عن كدة
اولا طبعا شكرا على مرورك و تعليقك و اتكنى اني اشوف تعليقات ليكي على الموضوعات القديمة كمان
ثانيا بالنسبة لقصة الرحلة عشان تطول عن كده كان لازم انا افضل هناك اكتر من كده و بصراحة انا بحمد ربنا على انها كانت رحلة قصيرة لانها بجد كانت متعبه جدا و البلد صعبه مش عارف ليه مش اول مره اسافر بس فعلا المره دي كانت سيئه جدا
إرسال تعليق