نظرة عين

مش كل نظرة عين
تتصدق
ياما في عيون
مهما فيهم
تدقق
و تحاول تقراهم
و من حكايتهم 
تتحقق
الغدر طبعهم
وقبل ما تلحق قلبك
من غدرهم
حتلاقي سكاكينهم
في ضهرك
بترشق
و في عيون
بالحكاوي مليانين
لنظرة حب مستنيين
بين الناس دايما
تايهين
مش عارفين
اصلا هما مين
ولابيفكروا...
الدنيا واخداهم 
ورايحه بيهم
على فين
هما بس عايشين
مستنيين لحظه
يقابلوا فيها نظرة عين
تحضنهم و ينسوا معها 
قسوة السنين
وفي نظرة عين
مليانه حنيه
بتدوب فيها
اذا بصتلك حتى 
لو ثانيه
بتحضن قلبك
برموشها
و تغير في عنيك 
الدنيا
عنين فيهم شقاوه
مليانين طيبه
و في نفس الوقت
جواهم حلاوه..
حلاوة روح
تخليك فيهم 
تتشعلق
و ترجع تقول لقلبك
مش كل نظرة عين
بسهولة ممكن
تتصدق

رائعة انتي

بعض الجمال
تقف عنده الاقلام
عاجزه
تخشى ان تقترب
او تحاول حتى ان
تلمسه
بكلمات رقيقه
او برسم صورة
لتوصفه
فأجد اوراقي
رغم مرور الساعات
فارغه
فحروف اللغات
اذا اجتمعت كلها
ستبقى في وصفك
حبيبتي
قاصره
تحاول ان تكتب
عن شفتاك
تارة
ان تصف ابتسامتك
تارة
لكنها تبقى
فاشله
ففي قلبك
حبيبتي
تنهمر الحروف لتكتب
الف الف عباره
لتحكي عن
نقائه
عن طيبته
عن حنانه
عن دنيا اعيشها
و انا في احضانه
و تعيد الاقلام
المحاوله
فتتراقص الخطوط
و تتعانق
لترسم عيناك
فتعجز عن محاكاة
الخالق
فيما ابدع
و تعود لتتمايل
لينساب منها
ليل شعرك
فتبكي نجوم السماء
لعجزها...
ان تنير بضوئها
ليلك
و تتركني اقلامي
بين اوراقي البيضاء
غارقا
ابحث عن اقلام
امام جمالك
لا تقف
عاجزة
حبيبتي
رائعة انتي

اليوم تحررت

اليوم تحررت من اسرك
فما عدتي بعيني ..
الاجمل
اليوم عاد قلبي لملكيتي
واصبح في اهتماماتي
هو الاول
لا انكر ان حياتي 
بدأت برؤياكي
وان اول دقات الحب
طرقت باب قلبي
عندما غرقت
في عيناكي
و ان اجمل
لحظات عمري
عندما احتضنت يداي
يداكي
و انني عندما قلت لك
احبك
كانت هذه هي
لحظة ميلادي
لا انكر
انني عشقت
حتى اصبح عشقك
يجري داخلي 
بديلا لدمائي
عشقتك..
حتى اصبح عطرك
هو هوائي
ودائي
ودوائي
و لكني اليوم كتبت
صك حريتي
ومن سلطان حبك 
تحررت
لن ياخذ قلبي اوامره
من عيناكي
لن يتراقص فرحا
مع ضحكاتك
لن يتنفس عطرك
و يتغنى بأهواكي
اليوم فقط
قررت
ان تكوني جزءاً
من ذكرياتي
وان تتربعي على
عرش احلامي
ان يكون حبك
هو الاول
لأني عاهدت قلبي
ان من تسكنه
دائما... 
ستكون هي 
الاجمل

احببتك

احببتك
فاطلقت العنان لأشعاري
تتذوق شفتاكي
تبحر في عيناكي
فيفيض العشق بانهاري
احببتك
فاخترقتي برقتك
كل اسواري
فاذابتني عشقا
نسائم تمر
بين خصلاتك
فتتهادى بعطرك
لتعزف الحان الهوى
على كل اوتاري
احببتك و لكني..
لم اكن اعلم
انك باسم الحب
سوف تشعلين النار
في قلبا
هام في حبك
فكنتي له
كل الاوطان 
لم اكن اعلم
انك سوف
تنحرين قيثارتي
التي طالما عزفت
في حبك
احلى الالحان
عشقتك
فاحتل عشقك
كل افكاري
وبكت اقلامي
لتملأ بصورتك
كل اوراقي
احبتتك
فطبع حبك في قلبي
كوشم
تدقه يد فنان
تعلم كيف ترسم
خطوطها لتحدد بها
مواضع الالام
احبتتك
فاصبحتي
بحكم الهوى
بطلة كل احلامي
نعم..احببتك
فما زادني حبك
الا عذابا
و ما زادك حبي
الا غرورا

مش غش

مش كل وجع
ممكن يبان في الوش
كتير بنخبي وجعنا
ونرسم ضحكه
نملا بيها الوش
يا ترى ده يبقا غش؟؟
مش القصد نكدب
على الناس
كل الحكاية
انه بيكون احساس
ميتوصفش
بيتحفر في القلب
بيحرقه..
زي ما بتحرق
شوية قش
وبنقعد بيه ساكتين
في ملكوته..
سارحين
ميطلعش مننا ولا صوت
غير شوية نهنهه
نكتمها جوا القلب
حتى لو حنموت
تفضل عنينا
محجرين
ناشفين
اصل..
مش كل الدموع
بتبقا من العين
في قلوب بتدمع
بحرقه
لو اتحست
تبكي الف والف عين
بس مخبيين
ونرجع نقول
مش كل الوجع بيبان
في الوش
واذا كنا بنضحك
و احنا موجوعين
ده متسماش
غش

لحظات

كم اعشق لحظات
حين يناديكي قلبي
بهمس النبضات
فتبتسمين

كم اعشق ومضات

العشق من عينيكي

حين تمطرينني 

بسيل من النظرات

وفي غفلة من عيني
بعينيكي تهربين
فاتساءل..
هل باشتياقي تشعرين؟
حبيبتي...
الا تعلمين
انك حين الى عيني 
تنظرين
من دروع عقلي 
تنفذين
و في صفحات قلبي
تسطرين
اجمل ما قيل في الحب 
من كلمات
حبيبتي...
الا تعلمين
انني في كل ليلة
احفر حروف اسمك
على جدران حياتي
ارسم لحركاتك
و لفتاتك
عدة لوحات
اتغزل فيها حتى
تعودي لتشرقي
في سمائي
و تبتسمين
فانظر اليك
و اهمس..
احبك
فيصرخ قلبي..
احبك
يا من عشقتك
حتى فاض نبع القلب
فاغرق الاوراق
بالكلمات
احبك
يا من جعلتي
كل نساء العالم
يختفين
وتبقين وحدك
اجمل ما رسمت 
من لوحات
اروع ما عشت
من لحظات

لسه ممكن

حجات كتير حلوة عدت
بفتكرها
بحس اد ايه 
كان ممكن تبقا احلى
لو كنتي معايا
و حجات كتير
حلوة جايه
مش عاوزها تيجي
عشان انا و انتي خلاص
كتبنا يادينا
نهاية الحكاية
ايام بتعدي بينا
و احنا مش حاسين
بنقول يمكن بكره يجي
يشفي جرح السنين
و انا و انتي يا حبيتي
محناش عارفين
الكلمة الي جايه
حتبقا
كلمة النهايه
ولا لسه ممكن يكون
لحياتنا كمان بدايه