وحشتيني

عاوز اقولك وحشتيني
بس مش قادر
وكل ما قرب منك
بتشد لقلبك
وبستغرب
ان لسه قلبي قادر
لما يشوف عنيكي
يدق
اصلي وعدته
من سنين
اننا للحب تاني
مش مقربين
ولا حيجي يوم
في بحر العشق
ننزل و نرجع
نغامر
وحتى لو جانا الهوى
ووقف على بابنا
يدق
بردو مش فاتحين
بس لقيته بعد ما كنا
متفقين
بيدخلك احلامه
ولما قلتله ابعد
رد عليا وقالي
لأ
اصلي في حضن عنيها
بلاقي الامان
وفدفا صوتها
بيعزف الحنان
الحان
فمتطلبش مني ابعد
وروح لها
و لما تشوفها
بص في عنيها
وقولها
وحشتيني

بخاف عليكي

بخاف عليكي
من نظرة حزن
اشوفها فعنيكي
ولو لحظه
من كسرة نفس
 تمس قلبك
ولو لمسه
من كلمة تطلع
تكون جارحه

بخاف عليكي

من عنادك
من حلم في حياتك
ياخدك بعيد
وسط وجع الي فات
ويأس الذكريات
تضيعي
بخاف عليكي
لما تستسلمي 
للسنين
ولليالي قضيتيها 
في سكات
بس قلبك مليان
حنين
لحب دافي
يحميكي من الآهات
بخاف عليكي
حتى لو في يوم بعدتي
وقلتي لقلبي مبحبكش
حفضل بردو
بحب عنيكي

حيرة

يا من افتقدك

كما يفتقد الغريق طوق النجاة

يا من اعدتي لقلبي

ما ضاع منه من دقات

يا من في عيناك

رأيت للاعجاب علامات

ابتعدي

فصدري مليء

بآلام و آهات

ابتعدي

فعلى جدران قلبي

رسم الزمان

للعذاب لوحات

ابتعدي

قبل ان تعلق روحي

بين حروفك

فيصيبني عشقك

بالاف الطعنات

 بل اقتربي

فقد بدات احب 

وجودك

وتزورني الابتسامه

لسماع ضحكاتك

اقتربي

فقد اعدتي الي 

عاداتي القديمه

لجلوسي مع قلبي

نتسامر و نتحاور

نرسم سويا صورتك

اقتربي

لتجيبي معي 

هل سيأتي يوم

واقول لك

احبك!!

درب الجنون

ﻳﺎ ﻣﻦ ﺗﺘﺤﺪﺛﻮﻥ ﻋﻦ ﺍﻟﺤﺐ

ﻭﺗﺘﺸﺪﻗﻮﻥ ﺑﻜﻠﻤﺎﺗﻪ

ﻫﻞ ﻣﻨﻜﻢ ﻣﻦ ﺍﺭﺗﻮﻯ ﻳﻮﻣﺎ

ﺑﻌﺬﺏ ﺷﺮﺍﺑﻪ

ﺍﻭ ﻃﺎﺭ ﺳﺎﻋﺔ

ﻓﻲ سماء ﺍﺣﻠﺎﻣﻪ

ﺛﻢ ﻫﻮﻯ فهوى

ﺍﻟﻰ ﺳﺤﻴﻖﺍﻋﻤﺎﻗﻪ

ﻫﻞﻣﻨﻜﻢﻣ ﻦ ﺫﺍﻕ ﻃﻌﻨﺔ

ﻣﻦ ﻃﻌﻨﺎﺕ ﻏﺪﺭﻩ

ﻭﻃﺎﻑ ﺑﻘﻠﺐ ﺩﺍﻡ

ﺗﺘﻘﺎﺫﻓﻪ ﺍﻣﻮﺍﺝ ﻣﺸﺎﻋﺮﻩ

ﻭﺍﻧﺘﻬﻰ ﺑﻪ ﺍﻟﻤﻂﺎﻑ

ﻋﻠﻰ ﺷﻂﺌﺎﻥ ﺍﻟﻮﺣﺪﻩ

ﺟﺴﺪﺍ ﺑﻠﺎ ﺭﻭﺡ

ﻗﻠﺒﺎ ﺑﻠﺎ ﻧﺒﺾ

ﻳﺘﺨﻂﻔﻪ ﺍﻟﻤﻮﺕ

ﻭﻳﺬﻳﻘﻪ ﻣﻦ ﻛﺌﻮﺱ

ﺍﻟﺎﻣﻪ

تحلمون

ﺗكتبون

ﺗﺘﻐﻨﻮﻥ

ﻭﻟﻜﻨﻜﻢ ﻟﺎ ﺗﻌﻠﻤﻮﻥ

ﻓﺎﻟﻜﺎﺗﺐ ﻣﺠﻨﻮﻥ

ﻭﺍﻟﻤﻜﺘﻮﺏ ﻋﻨﻪ

ﻫﻮ ﺩﺭﺏ ﺍﻟﺠﻨﻮﻥ

البداية

مع كل دقة قلب
حته من العمر...
بتعدي
ثانيه وراها ثانيه
ولا فيش ثانيه...
بتهدي
نقابل وشوش
نحب و نتواعد
تتشابك طرق
وطرق تانيه...
تتباعد
عيون بتضحك
تاخدنا في حضنها
وعيون تايهه
بتدور على عمر
ضاع منها
ويوم ورا يوم
بتقرب النهايه
و نسال نفسنا
كانت امتى البدايه
نفتح شبابيك الذكريات
ندور وسط الصور
تتملا قلوبنا حنين
لوقت عدى وفات
عشناه قريبين
من قلوب عننا تاهت
في زحمة السنين
وفضلت اقلب في الصور
ملاقتش ولا صوره ليكي
اصلي عمري محتجت صورتك
دايما كنت فاكرك
حافظ ملامحك
كل حركاتك
حتى لفتاتك
و همسة عنيكي
فاكر لما كنت بحضنك
لما بتكوني وحشاني
بس مش دايما الحضن
بيكون عشانك
كتير كنت بحضنك عشاني
كنت بستخبى جواكي
من حجات كتير وجعاني
فاكر حنيتك
و فاكر دقة قلبك
الي فضلت سامعها
حتى بعد ما مشيتي
ورجع العمر يعدي
منستش لمسة ايديكي
في اخر سلام بينا
و انت بتقوليلي
حفضل حبيبتك
مهما الثواني مرت
وجريت سنين و عدت
حفضل جوا قلبك
وشم
واي حب بعدي
صدقني حيبقا
وهم
انا اول نبضك
انا اول حبك
انا بدايتك

لما كنا صغيرين

لما كنا صغيرين
كنا لما بنتوجع
يدوبك ننزل دمعتين
و نلقا ايد تطبطب
و ايد تزغزغ
و يخلص الوجع
بضحكتين
لما كنا صغيرين
كنا بنخاف من حجات بسيطه
 حجات عبيطه
بنخاف لو النور قطع
ونجري نولع شمعتين
في كل اوضه شمعه...
اصل بيتنا كان اوضتين
نقعد حاضنين بعض
ولو قمنا نبقا.. 
شابكين الايدين
نطلع من اوضه لأوضه
نجري و نهرب من خيالنا
من وحش رسمناه بس
في خيالنا
ونرجع في غمضه عين
لما كنا صغيرين
كنا بنحب
ببراءة بنظرة عين
وضحكة صغيرة 
تجمع ما بين قلبين
اجيب لعبتي 
و تجيبي لعبتك
و نلعب باللعبتين
ولو اتنافسنا 
تجيبي كراستك 
تقولي ..
انا اخدت نجمه
اقولك...
وانا اخدت نجمتين
ميهمناش بكره
يهمنا حناكل ايه..
بعد دقيقتين
مكنش يجي في بالنا
ان الدنيا مش اوضتين
وان احساس الامان
والدلع و الحنان
حيتقلب لخوف وقسوة
وحنين
او ان الغدر و الخيانه
حيبقو صفات البني ادمين
وان الحب الي كان
حياة بين قلبين
حيبقا سبب دمع العين
لو كنا نعرف
كنا وقفنا الدقايق 
قبل ما تمر الساعات
وتضيع مننا السنين
 مكناش اتولدنا
او على الاقل 
كنا فضلنا صغيرين

حكاية

ومنين تبتدي الحكايه
من نظرة
من ضحكه
ولا من لمسة اديها لاديًه
من همسه
من كلمه
لما قالتلي انت روحي وعنيًه
لو قلت اني فرحت
وللسما طرت
او قلت قلبي دق
وبعد سنين القسوه
رجع للحب رق
ده كله حيبقا شويه
رجعت تاني اتنفس
وبعد ما كنت بمشي
بقيت في خطواتي بتنطط
في نطه للسحاب بلمس
و لو زقيت السحاب يمشي
مبقتش في مشاعري متلخبط
وفيوم قالتلي
انت ليه بقيت مزقطط
و اتغيرت ملامحك
ده حتى قميصك الاسود
الي كان بالاسود مخطط
رميته ولبست قميص الوانه
تشبه سعدتك
من يوم ما قلتيلي بحبك
و ايامي ملامحها اتغيرت
ساعاتها و دقايقها حتى ريحتها 
اتبدلت
بس انا مقلتلكش بحبك
ازاي!!
عنيكي قالتلي بحبك
لمسة اديكي 
ولا دقات قلبك 
كانت بتقول بحبك
بس انا مقلتلكش.. بحبك
ومنين تبتدي الحكايه
لما قتل المشاعر
يبقا دايما هو النهايه
لما حرق القلوب
عند الناس هوايه
يبقا مينفعش تبتدي الحكايه