ازاي نحسب عمرنا

ازاي بنحسب عمرنا

بالسنين

ولا الايام

ولا بضحكه طالعه

من قلبنا

ازاي بنحسب عمرنا

بلحظة سعاده

ولا ساعات وجع

قتلت جوانا الفرح

وحرقت ...

في العين دمعنا

نحسب لما القلب 

خرج من حبسته

طار ورفرف

على رموشعنيكي

لما اول مره نفسك

دخل صدري

وقلتلك قلبي

بقا امانة ما بين

اديكي

ولا نحسب

لما الحلم خلص

وصحينا غرقانين

في همومنا

نحاول نرسم ضحكه

تمسحها من على شفايفنا

دموعنا

ونسأل نفسنا

ازاي نحسب عمرنا

امتى العمر ابتدى

وازاي خلص

واحنا لسه

حتى ملمسناش

حلمنا

عاوز تعرف عمرك 

بجد كام
عد الجروح في قلبك
عد الشروخ في روحك
وزود علي كل واحد فيهم عشره
شوف كام واحد 
آمنتله
و قدمتله مشاعرك
ولما دورت عنه وشك
خان العشره
خلاص القلب اتفتت
ومبقناش بنسأل
ازاي نحسب عمرنا