حقدر في يوم

حقدر في يوم اعيش
واتنفس منغير وجع
افتَح عيني و ابتسم
واقول لروحي متخافيش
بكره جي بحكايات
وبضحكه حلوة بتترسم...
حقدر في يوم اشوف
عنيكي منغير ما عنيا
بحبك تبوح
واسلم على اديكي
منغير ما قلبي
يبان مجروح.
حقدر في يوم اضحك
على نفسي و اقولها
تعالي نبدا من جديد
تعالي نطير
ندور على حلم
حتى لو كان بعيد..
حقدر في يوم 
على قلبي مأساش
بس مش حقدر 
ان يوم يعدي
منغير متبقي وحشاني
او تفوت ليلة
منغير مرسم على كفي 
اديكي و احضنها
منغير ماحلم
بلحظه تلمس
فيها عنيا عنيكي
واقربك مني
واقولك
ايوه انا لسه بحبك