الف مره

لو قلتلك بحبك الف مره
متكفينيش
في كل طلعة شمس
بشوف فيها وشك..
بحبك
في كل دقة ساعه..
و انت جنبي
بحبك
في كل ثانيه بتمر
و انتي بعيد عني...
بحبك
لو قلتلك وحشتيني الف مره
متكفينيش
وانا شايفك...
بتوحشيني
و انا في حضن عنيكي..
بتوحشيني
وانا بين اديكي..
بتوحشيني
ولو قلتلك وجعتيني الف مره
متكفينيش
لما لقيت عنيكي
مش شايفاني..
وجعتيني
لما لمست ايديكي
شيلتيها...
جرحتيني
لما في حلمك
مشفتنيش...
قتلتيني
ولوعنيه نزلت الف دمعه
في بعدك 
متريحنيش
وارجع واقولك
الف مره بحبك...
مهما قسيتي
و الف مره وحشتيني
مهما بعدتي..
وحتى لو قلبي
فتح بيبانه الف مره 
بعدك...
حتفضل احلى مره
لما خبطتي
على بابه
و فتحلك