الف مره

لو قلتلك بحبك الف مره
متكفينيش
في كل طلعة شمس
بشوف فيها وشك..
بحبك
في كل دقة ساعه..
و انت جنبي
بحبك
في كل ثانيه بتمر
و انتي بعيد عني...
بحبك
لو قلتلك وحشتيني الف مره
متكفينيش
وانا شايفك...
بتوحشيني
و انا في حضن عنيكي..
بتوحشيني
وانا بين اديكي..
بتوحشيني
ولو قلتلك وجعتيني الف مره
متكفينيش
لما لقيت عنيكي
مش شايفاني..
وجعتيني
لما لمست ايديكي
شيلتيها...
جرحتيني
لما في حلمك
مشفتنيش...
قتلتيني
ولوعنيه نزلت الف دمعه
في بعدك 
متريحنيش
وارجع واقولك
الف مره بحبك...
مهما قسيتي
و الف مره وحشتيني
مهما بعدتي..
وحتى لو قلبي
فتح بيبانه الف مره 
بعدك...
حتفضل احلى مره
لما خبطتي
على بابه
و فتحلك

بتحب بجد

عاوز تعرف اذا بتحب بجد
شوف احساسك لما تشوف عنين حبيبك
بتحس بالأمان؟
بتشوف دنيتك كلها في عنيه
طيب بلاش العنين
ضحكته بتعمل فيك ايه؟
قلبك بيضحك معاها
حتى لو هموم الدنيا جواه
ولو سالتك عن لمسة ايديه
بتغرق بين كفوفه
بتخبي قلبك فيهم
ولما بتسيبه
بتفضل ملامحه معاك
مرسومه في عنيك
بتبتسم لما تسمع صوت ضحكته
و تفضل تفكر كمان كام دقيقه حتكلمه
عشان صوته وحشك
اصل صوته بيطمن قلبك
يعني عاوز تقول
ان في عنيه و ضحكته
فرحتك
و في لمسة اديه و حنية صوته
بتلاقي دنيتك
ولسه مش عارف
اذا بتحب بجد