مسجون و سجان

السجن مش دايما بيكون قضبان
اوقات بتبقا ماشي بحريه
الي يشوفك يقول
ده طاير طيران
ميعرفش انك محبوس جوا افكارك
قلقان ان حبك
يبقا هو سبب نارك
مشاعرك مخنوقه عاوزة تتنفس
وانت بتحبسها جوا صدرك
ميعرفش 
ان السجن ساعات بيكون حرمان
انك تحب
و تتحب
انك في لحظة خوف
تلاقي حضن تحس جواه الامان
او مسكة ايد تطمنك
تحضن كفوفك
تقولك انت مش لوحدك
ونظرة عين بحنيتها
تقولك بحبك
متبطل جنان
تخليك تغمض عنيك
ودقات قلبك الملخبطه
تطبطب على مشاعرك
وتقولك مينفعش تعيش مسجون
وفي نفس الوقت انت السجان