حب و متهربش

في حجات تتقال
وحجات اكتر متتقلش
وانا قلت لقلبي
لما تحب بجد متتقلش
روح لحبيبك قوله
و متخفش
قالي ما انا رحتله
واترميت جوه عيونه
و قلتله
بحبك...
غمض عنيه و قالي 
خايف ااقربلك
و الدنيا تأسا علينا
و اصحا في يوم
ملأكش
جيت احكيلك 
لقيتك بتقولي 
الي يحب
من غدر الدنيا
ميقلقش
و ينسا جراحه
جوا حضن حبيبه
وميفكرش
الحُب رزق
زي الحب للطير
ما هو رزق
فافتح بيبان قلبك
لنور الحب
و متهربش