التعديلات الدستورية
بتقول للشعب انا جايه
جايبالك معايا وكسه
و حقلبلك انتصار الثورة نكسه
فاكرين انكم حتعيشوا في كرامه
و حتختاروا برلمانكم بنزاهه
انا التعديلات بقولكم لأ
الحريه ليكم مش حق
حتقولوا نعم
و حقول معاكم نعم
و الرئيس حيجي منكم
دكتاتور جديد يحكمكم
انتوا اصلكم خلاص زهقتم
من كرامة الثورة تعبتم
بتقولوا البلد خسرت كام مليون
لأ قول كام مليار
بتدوروا فيا على الاستقرار
و فاكرين ان الي حيقول لأ
ده حمار
قلتم عاوزين امان
و سايبين الحزب و الاخوان
يلفوا حولين رقابيكم
دستور تعبان
قالولكم الدستور عطلان
بس قولوا "نعم" و حيفضل عطلان
و الي حيقول لأ ربنا عليه غضبان
و متقولوش دلوقتي عاوزين دستور جديد
بعدين بعدين
ده حياخد شهور و سنين
و احنا دلوقتي مش فاضيين
ورانا حكم عاوزين نمسكه
و شعب طيب عاوزين ننهبه
اشمعنى الي قبلينا سرقوه
و عاشوا في خيره و قتلوه
فيا ريت محدش يقول لأ
و اشوفكم في الاستفتاء
هناك 5 تعليقات:
heya de el 7a2ee2a allahuma kaddar lana el 7'ayr fema tarahu 7'ayran lana yarab el 3alameen
ليه يابنى كم التشاؤم الغريييييييييب ده
بكره حلو ان شاء الله
السلام عليكم ورحمه الله وبركاته
كلفنى الاستاذ بيرم المصرى بارسال هذه التحيه لجميع الاصدقاء وذلك لتعذر قيامه بها بشخصه
(اجمل التهانى واطيب الامانى للجميع بمناسبه عيد القيامه المجيد وشم النسيم)
ورد الغصون...
نيابه عن بيرم المصرى
صاحب مدونه كرباج سودانى
السلام عليكم
والله ايه رأيك دلوقتي يا استاذه بسمه
بس ان شاء الله بنقول الجاي احسن انما الحذر واجب
ارجو ان يكون الاستاذ بيرم بخير
إرسال تعليق