طعم الرجوع مر

طعم الرجوع مر
يمكن اكتر من السفر
والليل بقسوته بيمر
مهما غاب 
ضوء القمر
بنهرب و نبعد
عن الاماكن 
عن الوشوش
بنغمض و ندعي
ان في يوم
العيون ميتلاقوش
ويدق الاشتياق جوا القلوب
وفي ذكرياتنا بنغرق
ونحضن ريحة الطوب
الي كان شاهد
على نبض ايامنا سوا
قبل ما نتوه في الدروب
نرجع نكلم نفس الحيطان
ونسمع لسكوتنا صدى
ريحة البكا ماليه المكان
ورجوعنا للوحده قضا
نفتح ببان و نقفل ببان
والقلب جواه فضا
تنزل دموعنا
لما سألنا امتى
تضحك لينا الليالي
و نلمس بادينا
احلامنا؟
لا الليل ضحك
ولا لقينا دوا
لأوجعنا
ورفعنا ايدينا بالدعا
لما اتكسرت من الهموم
ضلوعنا
وعشان نعيش
على نفسنا ضحكنا و قلنا
يمكن في يوم نحب
و تملا الضحكة قلوبنا
يمكن دنيتنا تحن
ونلقا وسط الحزن
حضن...
يضم جواه عيونا
يمسح منها الشجن
ويطبطب على دموعنا
يمكن حيجي اليوم
الي قلوبنا تلقا فيه الدفا
تلقا فيه السكن
و نغمض و نحلم
و نصحا جوا الحلم
بقلوب ملاها الوفا
يمكن ...

لم أكن اعلم

لم اكن اعلم 

ان هذا هو شعور الدفئ 

الا وانا بين يديك

لم اكن اعلم

ان معنى النعومه

هو ملمس شفتيك

انا لم اتعلم ...الحب

الا وانا اطير

في سماء عينيك

لقد عشت عمرا اتصور

اني اعرف ما هو الحب

و كيف يكون الحنان

و كم كنت اتفاخر

برقصاتي مع قلوب

لا تعرف للعشق 

عنوان

حتى التقيتك

فتعلمت كيف يكون 

للهوى عدة الوان

كيف تنسيني

اين نجلس

فيتوقف معك الزمان

كيف تهدهدي بلمساتك

القلب و الروح 

والوجدان

و كيف اذا مشيتي

تتركي عطرك كي

يحتضن المكان

تعلمت 

اني لم اكن ارى

قبل ان اراك

لم اكن اشعر

حتى لمستك

لم اكن اتنفس

قبل ان اتنفسك

تعلمت 

انه امامي الكثير

اتعلمه منك

عن الحب

فهل ساتعلم!!!

تفاؤل بدون داعي

مش لازم احساس الالم
يبقا حاجه تزعلك
خليه لقدام يدفعك
روح امسك بالقلم
واحفر احلامك
قبل اوجاعك
على ورقه 
على حيطه
او حتى على ايدك
متخليش الي وجعك
يشوف في عنيك يأس
بالعكس
خليه بقوتك يحس
وانت على الزعل
بتدوس
متخليش احساس الالم
يبقا حاجه توقفك
و على دنيتك يغضبك
بالعكس
خليه دايما 
احساس يحترم

السكوت من دهب

صدق الي قال
ان السكوت من دهب
ده حتى في الخيال
بقا الكلام قلة ادب
لو صوت تفكيرك اتسمع
تلاقي الي يقولك يا جدع
ازاي تقول انك بتحبها
ولساك بتعشق ارضها
ايه .. بتقول ايه
بروحك تفديها
و بدمك عاوز تسقيها
و هي اصلا سابتلك دم
....انت بتقول ايه يا عم
....هو انا كلمتك
فاكر كام يوم حلو
شفته فيها
طب و كام يوم غم!!!
والهم ..آآه من الهم
وجع القلب
و كسَر العضم
....خلاص يا عم
....مش ححبها
بلاش قلة ادب
ده انت اتولدت على ارضها
جريت و لعبت
و حلمت و كبرت
و امك مدفونه في حضنها
متقلش انك مش بتحبها
انت بس مرجوح منها
بكرة تتعدل 
وترجع تحن لأهلها

....مش كنا بنقول

....السكوت من دهب

زمن العجايب

بقينا خلاص في زمن العجايب

الغريب يخاف علينا

والجرح يجي من الحبايب

بنحلم بهمسة حب

تطلع من الشفايف

ونهمس في لحظة عشق

قد ايه ... القلب خايف

لمست بايدي قلبك

وغرقت جوا حضنك

ولما فتحت عيني

لقتني في الحلم شايف

قلبي في عنيكي دايب

بيضحك ويقولي

شفت زمن العجايب

سنين و سنين بندور

على حب غايب

و ما لقيناه

ولما الدنيا عنا 

غمضت عنيها

العشق كله 

في لحظه قرب عشناه

ورجع الخوف يملانا

اصلنا في زمن العجايب

الجرح دايما بيجي

من الحبايب

خلاص مبحبش

ليه لما نحب نجرح

الي جرحنا مبنقدرش

ليه لما نحب ننسا

الي نسينا مبنساش

لا القلب يقدر يشوفه

مجروح

ولا الروح بتنسا

حنى لو القلب بات

مدبوح

يا قلب للحب اوع تاني

تروح

ولو جالك قوله

انا خلاص مبحبش

نيران صديقه

ماذا اقول في قلب
ملأه الزمان غرورا
ككأس امسكناه
و صببنا فيه
من الخيالات خمورا
كان فيما مضى
يملأ الدنيا
فرحا و نورا
واصبح بعنده
قاتلا مأجورا
يعطيه شيطانه
امرا
فيقتل في القلوب
احلاما 
ويطفيء في العيون
نورا
 ماذا اقول فيك
يا من خاصمت
قلبي قبلك دهورا
واعادته الى صدري
بسمة من عينيك
احتضنته بعهود العشق
فعبرت به انهارا و بحورا
فاستقر في ارض عشقك
ليملأها حبا و زهورا
ماذا اقول
بعد ان بنيتي 
بين قلبينا سورا
وهدمتي بقسوتك
للمودة جسورا
فاطلقتي على قلبي
نيران يأسك
نيران قسوتك
نيران غدرك
فمات من نحت صورتك
في ثناياه 
و رددت نبضاته اسمك
في كل دقيقه
و في نعيه كتب
قد قتل 
بنيران صديقه