لما قلتلك بحبك

لما قلتلك بحبك
مكنش قصدي
حب عادي زي حب الناس
سهر و سهد
وكلمتين حلوين و خلاص
الحب عندي كان اغلى من الماس
الحب عندي
عشق و هيام
تبقي معايا و انا صاحي
ومعايا في الاحلام
توحشيني لو كنت قدامي
بس بعيده خطوتين
أأقرب و اضمك
ولو ممكن اشيلك
جوا نني العين
لما قلتلك بحبك
قتلتي قلبي مرتين
لما سبتيني احبك
ادوب و اعشق
كل نسمه مرت عليكي
واحسدها
انها لمست عنيكي
ولما بكل قسوه قلتيلي
مبحبكش
نظرة عنيكي 
قالتلي مبحبكش
لمسة ايديكي الحنينه 
قسوتها بقت متتوصفش
وقتها قلبي احتار
يكمل دق ولا خلاص 
احسن له يدق النعش
ايوه قلتلك بحبك
وحفضل طول عمري 
بحب اللحظه
الي قلتلك فيها اني
بحبك

بكره يمكن

لما السنين تمر

وتلاقي في قلبك لسه طعم المر

تنادي بعزم ما فيك

يا اهل الهوى

هو الصبر علقم

ولا الوقت بطل يمر

قلبي من الاسى 

جراحه مش بتخف

و ياما قلتله يا قلبي

مهما تدور و تلف

لو فعلا عاوز تخف

لازم تتحول حجر

يصرخ يقولي

لو كان مكتوبلي

كان من الاصل 

ربي خلقني حجر

يا قلبي

روح دور في دفاتر الزمان

عن لحظه حسيت فيها الحنان

حترجع تقولي

مفيش

دفاترك صفحاتها ملخبطه

عنواينها فرح

حواشيها شوية شخبطه

اقولك ... بكره يمكن

يتكتبلك تعيش

تلقا الحنان في العنين

تحسه في لمسة الادين

بكره يمكن

تعشق و تتعشق